Tui hăng tơlơi pơthâo brơi mơ̆ng Grup tơhan rŭ tơlang tơhan djai, amăng hrơi anun mơn, ling tơhan hyu ĕp dong mơn anih tal dua gah Kual B, klơi, kuai đĭ rơbêh 500m3 lŏn hăng pok prong tui anih hyu ĕp. Tơhan hyu ĕp, kuai rŭ tơlang tơhan gah Sang bruă Khua git gai tơhan ƀôn prong Hồ Chí Minh hơmâo ƀuh, rŭ đĭ thim 10 per tơlang dong hăng 1 mơta gơnam hơmâo dor hrŏm ƀơi Kual B, Đang bơnga Lê Thị Riêng.

Yap mơ̆ng kơnôl 23/6 truh abih kơnôl 7/9, ling tơhan hơmâo rŭ đĭ abih tih ñu 592 per tơlang tơhan, amăng anun hơmâo 274 per tơlang hơmâo gơnam dor hrŏm. Amăng mrô anai, 559 per tơlang hơmâo dor phara; 33 per tơlang hơmâo ĕp ƀuh ƀơi 8 boh pơsat dor hrŏm, hơmâo dua bit anih ƀơi Kual A hăng 6 bit anih ƀơi Kual B. Bruă hyu ĕp, kuai rŭ tơlang tơhan djai ƀơi Đang bơnga Lê Thị Riêng glăk hơmâo ngă dong mơn./.