Tơdơi kơ pơđut bruă mă sa thun bơyan không 2025-2026, mơ̆ng kơnôl 25/6 truh abih kơnôl 3/9, Sang bruă khua tơhan tơring čar Gia Lai brơi nao grup tơhan djru ba, wai pơgang, ba jơlan hlâo hrŏm hăng tơhan klâo boh tơring čar kual gah kơdư ngŏ dêh čar Kur djru pơtô lăi, jak iâu mơnuih ƀôn sang pơthâo brơi tơlơi pơhing, anih dor tơhan pơsăn drơi mơ̆ng Việt Nam ƀơi lơ̆n ia Kur kiăng bơwih brơi kơ bruă rŭ kuai hăng pơsit anăn krăn pô amăng bơyan phang thun 2026-2027.

Amăng hrơi blan anai, Grup K52 nao ĕp laih ƀơi 254 boh plơi amăng dua boh tơring čar Ratanakiri hăng Stung Treng. Mơ̆ng kơnôl 12/8 truh ră anai, Grup hơmâo ĕp ƀuh pơƀut hĭ 5 per tơlang tơhan pơsăn drơi, amăng anun 3 čô dor ƀơi tơring čar Ratanakiri hăng 2 čô dor ƀơi Stung Treng; laih dơ̆ng pơsit hơduah ĕp lu tơlơi pơhing kơ tơhan pơsăn drơi jăn arăng dor či ƀơi. Mơ̆ng anun, hơmâo ĕp ƀuh abih bang truh ră anai lĕ 1.536 per tơlang tơhan Việt Nam pơyơr pran jua hlong pơsăn drơi jăn ƀơi dêh čar Kur, hơmâo ba glăi dor pơ lơ̆n ia ta pô.