Hlâo anun, ơi Siu Bích, thun tơkeng 1952, dŏ amăng plơi Bi, hơmâo lăi pơthâo khul git gai ling tơhan să Ia Dom hăng Grup K52 nao pel ĕp, lơm ñu ƀuh hơdôm boh pơsat him lăng dor tơhan. Mơng ĕp lăng, ling tơhan pơsit tong hăng pơphun hyu ĕp, klơi rŭ.

Boh than ba glăi, Grup K52 hơmâo klơi đi 2 per tơlang tơhan hrŏm hăng gơnam yua. Dua per tơlang hơmâo ĕp ƀuh ƀơi hơdôm anih phara giăm 12 met amăng kual plơi Bi, să Ia Dom. Ră anai 2 per tơlang tơhan aka ƀu thâo krăn anăn pô. Grup K52 tŏ tui lăi pơthâo brơi anom bruă bơdjơ̆ nao kiăng kiăo tui lăng, git gai kơ bruă ngă tŏ tui dong.