VOV.Jarai-Ƀơi lu plơi pla amăng kual mơnuih djuai ƀiă dŏ lơ̆m tơring čar Lâm Đồng, mơnuih arăng đăo kơnang ƀu kơnong pô pơtruh brơi ba jơlan hơdră, tơlơi pơtrun mơ̆ng kơnuk kơna kơ mơnuih ƀôn sang đôč ôh, dŏ djru ngă kơjăp hloh tơlơi jĕ giăm gru grua đưm tơlơi đăo kơ yang rơbang, tơlơi đăo phrâo hăng bruă glăm ba amăng mơnuih mơnam. Hăng bruă mă ba jơlan hlâo laih anun tơlơi pơhiăp mơ̆ng ƀing gơñu dưi hơmâo mơnuih ƀôn sang đăo kơnang, gơñu dưi jak iâu thâo gum pơgôp, djru nao rai hrưn đĭ găn rơgao tơlơi tơnap tap, djă pioh gru grua hiam, hơdip “hiam klă, đăo tong ten”.

VOV.Jarai-Grup K51, Sang bruă khua tơhan tơring čar Dak Lak phrâo ĕp ƀuh, rŭ kuai đĭ sa per tơlang tơhan djai pơsăn drơi amăng tal tơgŭ ngă bruă bơyan phang thun 2026-2027 ƀơi dêh čar Kur.

VOV.Jarai-Yap mơng kơnôl 23/6 truh abih kơnôl 30/9/2026, ling tơhan amăng Grup hyu klơi tơlang tơhan hơmâo ĕp ƀuh, klơi rŭ đĭ abih tih 682 per tơlang tơhan, amăng anun hơmâo 301 gơnam yua.

VOV.Jarai-Tlam hrơi anai (1/10) pơphun jơnum lok 7 jơnum min apăn bruă Khua pơ ala mơnuih ƀon sang dêh čar.

VOV.Jarai-Neh met wa hăng ƀing gơyut hơduah ĕp lăng jơlan hơdră pơhlom nua ia jrao pioh kơ ƀing čơđai sang hră djop gưl hăng čơđai gưl prong. Tơlơi pơhing yua kơ Sang bruă pơhlom nua bruă mơnuih mơnam (BHXH) tơring čar Dak Lak lăi pơthâo.

VOV.Jarai-Mơng hơdôm ară jơlan djru brơi bruă bơwih ƀong ngă đang hmua aka ƀu pơkra ha amăng plĕ, hơdôm ară jơlan pơlir kual pơkra dŏ kaih, truh pơ hơdôm bruă bơdjơ̆ nao lŏn mơnai, wai pơgang jum dar, ia jrao, pơtô pơjuăt hăng bruă mă mơng gong gai ƀon lan, lu tơlơi rơkâo sit nik hơmâo mơnuih ƀôn sang tơring čar Lâm Đồng lăi pơthâo brơi Khul pơ ala mơnuih ƀôn sang tơring čar. Hơdôm bruă mă mơng ƀon lan ăt ba tơbiă tơlơi rơkâo hrưn đĭ tơlơi glăm ba mơng hơdôm anom bruă bơdjơ̆ nao amăng pơsir hĭ bruă, laih dong tơlơi gơgrong krăo lăng mơng Khua pơ ala mơnuih ƀon sang dêh čar hăng Jơnum min pơ ala mơnuih ƀôn sang djop gưl.

VOV.Jarai-Grup K52, Anom bruă git gai ling tơhan tơring čar Gia Lai phrâo gum hrŏm hăng hơdôm anom bruă bơdjơ̆ nao klơi rŭ đĭ sa per tơlang tơleh tơhan djai pơsăn drơi ƀơi pơsat mơnuih ƀôn sang dong amăng grup 5, kual plơi pla mrô 16, phương Quy Nhơn Nam.

VOV.Jarai-Kơnôl 20/09/2026, Hră pơtrun mrô 307/2026/NĐ-CP mơ̆ng kơnuk kơna pơkă kơ bruă ruah mă, pơsit hăng jơlan hơdră pioh kơ mơnuih arăng đăo kơnang amăng kual mơnuih djuai ƀiă sit nik dưi ngă tui. Ƀơi Lâm Đồng, ƀuh rơđah hơdôm thun laih rơgao, brơi ƀuh hơmâo tơlơi đing ba, djru tơlơi pơhing hăng ngă gêh găl mơ̆ng ƀing arăng đăo kơnang, jing anih ưh kơnang kơ mơnuih ƀôn sang plơi pla: pơhiăp hơdôm tơlơi mơnuih ƀôn sang thâo hluh, ngă bruă mơnuih ƀôn sang đăo kơnang hăng hrŏm hơbit hăng mơnuih ƀôn sang djă pioh gru grua, pơđĭ tui tơlơi bơwih ƀong huă, pơgăng hơđong tơlơi rơnuk rơnua plơi pla.

VOV.Jarai-Hăng ƀing čơđai muai ƀơi Sang hră djru ba pơtô pơhrăm kơ čơđai muai rơwen rơwo jo găng, ƀu klă drơi jăn tơring čar Dak Lak, bơyan ngui mơak Blan Bơrơmi ria Tết Trung thu ƀu kơnong hơmâo ƀañ arăng ƀơk ƀudah hơmâo sem arăng suang kơdưn   rup ania čơgrai, rơmung dul. Anun lĕ, tơlơi mơak lơ̆m ƀing gơñu pô dưi đĭ ƀơi tơrưng adoh suang. Bơyan Blan Bơrơmi ria thun anai ƀơi Sang bruă djru ba pơtô hrăm čơđai muai ƀu klă drơi jăn, yua kơ hơdôm tơlơi hơmâo anun, bă blai tơlơi hơ̆k mơak hăng tơlơi gir run tơpă arăng mơ̆ng abih bang.

VOV.Jarai - Tlam mơmot tom brơi (kơnôl 22/9), Ding kơna git gai Ping gah, Khua sang phat kơđi dêh čar, ding kơna pơ ala mơnuih ƀôn sang dêh čar tơring čar Lâm Đồng ơi Nguyễn Văn Quảng nao čuă, ƀơk gơnam ngui blan bơrơmi ria Tê̆t trung thu kơ ƀing čơđai Plơi čơđai SOS Đà Lạt.