VOV.Jarai- Ƀơi mông jơnum lok 3, Jơnum min apăn bruă phun pơ ala mơnuih ƀôn sang dêh čar tal XVI hơmâo sem glăi lu boh yom phun pơdjơ̆ nao bruă čih pioh tơlơi pơgôp hiăp mơ̆ng mơnuih ƀôn sang, čih pơkra tơlơi phiăn, krăp lăng. Amăng anun, bruă pơđĭ tui boh tŭ yua amăng bruă pơsir tơlơi rơkâo mơ̆ng mơnuih ƀôn sang, hmao kru tŭ mă tơlơi kiăng mơ̆ng mơnuih ƀôn sang, tơlơi rơkâo hăng pơsir tŭ yua hơdôm tơlơi mơnuih ƀôn sang ruah khua rơkâo đĭ dưi pơtong rơđah sa bruă mă phun, djru hrŏm kơtưn tơlơi rô nao rai plah wah khua pơ ala mơnuih ƀôn sang hăng mơnuih ruah khua laih anun mơnuih ƀôn sang.

VOV.Jarai-Anăp nao tal hơdor glăi 80 thun hrơi tơhan rơka-tơhan djai pơsăn drơi (27/7/1947-27/7/2027) tơring čar Lâm Đồng glăk ječ ameč pok pơhai “Hơdră ngă bruă 500 hrơi mlăm pơtrut kơtang ngă tui bruă hyu ĕp, pơƀut glăi hăng ĕp brơi anăp tơlang tơleh tơhan”, hăng hơnong pơkă pơgiong bruă mă tơlang pioh pơčrang lăng, dưm pioh hăng jao tơlang pioh pơčrang hlâo kơ lơ 15/11/2026.

VOV.Jarai-Mơguah lơ 11/6, ƀơi Hà Nội, Khul sang bruă ia jrao kyâo bơrơkal mriah Việt Nam, jơnum ngă yang pơƀut bruă mă Blan ngă bruă yua Tơlơi khăp pap thun 2026 hăng akŏ ñu “80 thun-Jơlan hơdră djru tơlơi khăp pap yua kơ mơnuih ƀôn lan”.

VOV.Jarai-Jơnum min mơnuih ƀôn sang tơring čar Dak Lak phrâo hơmâo hră lăi pơthâo rơkâo Khul khua mua phun jơnum min pơ ala mơnuih ƀôn sang tơring čar, kiăng pơhrơ̆i sui ƀiă hrơi blan ngă tui jơlan hơdră djru kơ ƀing khua mua, mơnuih apăn bruă čar, tơdơi kơ dăp glăi, pơmut sang bruă gong gai kơnuk kơna dua gưl mơ̆ng 12 blan truh 24 blan.

VOV.Jarai-Hrŏm hăng ƀing čơđai đơ đam dêh čar, rơbêh 35.500 čô čơđai amăng tơring čar Dak Lak yak nao tal pơplông abih anih 12 thun 2026.

VOV.Jarai-Tlam lơ 8/6, ƀơi să Ia Dom, tơring čar Gia Lai jơnum pơphun bruă mă kơtang hloh 90 hrơi mlam kiăng ngă tui Kơčăo bruă man pơdong sang hră đôm lăm kơnuk kơna čem rông dua gưl, gưl I hăng gưl II ƀơi 7 boh să ter guai dêh čar.

VOV.Jarai-Tŏ tui pơsit tong tơlơi gơgrong lĕ anom bruă pơ ala brơi tơlơi kiăng, tơlơi čang rơmang mơng mơnuih ƀôn sang, Jơnum min pơ ala mơnuih ƀôn sang djop gưl hơmâo lu tơlơi pơplih phrâo amăng bruă krăo lăng, tơña hăng lăi glăi laih dong bưp mơnuih ƀôn sang ruah khua amăng rơwang ngă bruă rơgao. Anai lĕ boh tơhnal hơmâo ƀing khua mua đing nao sem lăng, pơčrông sai amăng Jơnum jơnum min pơ ala mơnuih ƀôn sang đơ đam dêh čar pok pơhai jơlan gah, bruă jao rơwang thun 2026-2031 laih rơgao.

VOV.Jarai - Tlam lơ 1/6, ƀơi phường Ea Kao, tơring čar Dak Lăk pơphun man pơdong, ming pơkra brơi 44 boh sang dŏ kơ ană bă mơnuih ngă bruă hơkrŭ đưm hlâo djơ̆ jrao hret, ƀu hơmâo sang dŏ.

VOV.Jarai-Tui hăng hră pơtrun, phrâo hơmâo ƀing khua mua pơ ala mơnuih ƀôn sang tơring čar Gia Lai pơsit laih, pơ anăp anai tơring čar amra đing nao kơ bruă ngă hră pơar djru brơi mơnuih ƀôn sang djuai ƀiă ƀun rin ngă hră yua lŏn sang, đang hmua.

VOV.Jarai-Phara hăng mơnuih pơprong, ƀing čơđai muai aka ƀu thâo hluh djop ôh kơ rơnoh yom čih anăn kơ drơi jăn, mrô ñu pô, ăt kah hăng tơlơi sat či hơmâo amăng tơlơi pơhing lơ̆m plăng internet. Yua kơ anun, ngă hơgĕt kiăng pơgang ba  tơlơi hơgŏm anăn păn čơđai amăng rơnuk ba yua boh thâo ia rơgơi phrâo ră anai? Anai lĕ boh yom phun dưi pơčrong sai ƀơi mông jơnum online “Anŏ tŭ yua mơ̆ng Tơlơi phiăn pơgang mrô rơnoh anăn čơđai muai-Hơdôm tơlơi kiăng kơđiăng nao yom hloh”.