Kơčăo bruă anai hơmâo rơnoh prăk tuh pơ alin năng ai 2.592 klai prăk, pok pơhai đơ đam lŏn prong 5,6 hektar, amăng anun đơ đam anih man pơdong 44.000 met karê; črăn dŏ glăi pioh čuk pơkra jơlan nao rai, anih pla phun kyâo ngă tơ-ui hăng dưm truă anŏ kiăng yua gah mơneč phrâo pơkŏn.

Ring bruă anai hơmâo 8 khul ruăi sang pơdong đĭ, dlông mơ̆ng 12-15 tal, hơmâo 7 khul ruăi sang dŏ, pioh kơ mơnuih tơnap tap ƀing tơhan kông an hăng sa khul sang pioh ngă anih sĭ mơdrô, sang hră rông pơtô čơđai muai, abih bang hơmâo 1.570 anih dŏ brơi kơ sang anŏ, đơ đam anih dŏ kah hăng sa boh sang anŏ prong mơ̆ng 70-77 met karê, djop brơi anih dŏ kơ 4.500 čô khua mua, tơhan kông an hăng sang anŏ gơñu dŏ hrŏm. Anai lĕ kơčăo bruă yom phun amăng jơlan hơdră pơđĭ kyar sang dŏ djru ba mơnuih mơnam tơnap tap, kiăng pơhlom brơi tơlơi hơdip mơda hơđong, ngă gêh găl brơi ƀing khua mua, tơhan kông an hơđong pran jua mă bruă, h’ĭn amăng bruă čar ƀơi tơring čar anai.