Tui anun, 24.000 čô mơnuih mă bruă mut phung, ƀing kông ñơn tơnap tap, prăk apah ƀiă, mơnuih rơka rơkač yua mă bruă, ƀing ruă kraih, ƀing bơdjơ̆ nao yua hơjan kơthel, rơngiă bruă mă, hrŏ trun mông mă brtuă, mơnuih mă bruă tui hơdră djru….amra djru brơi 1 klăk sa čô. Khul pơlir mơnuih mă bruă ƀôn prong Đà Nẵng ăt nao tơña bla, ƀơk gơnam ƀing mơnuih ƀu glăi ƀong tết, ƀing mơnuih dŏ hajăn glăk tơnap tap ƀơi hơdôm grup kông ñơn wai lăng mă ƀơi hơdôm anih dŏ.

Tết thun anai, Khul pơlir mơnuih mă bruă ƀôn prong Đà Nẵng djru brơi 3.000 wĕ đĭ rơdêh hăng pơphun hơdôm tal đuăi rơdêh pơgiăng glăi mơnuih mă bruă glăi pơ plơi pla ƀong tết. Amăng “Sang čơ Tết Mơnuih mă bruă mut phung-Bơyan bơnga thun 2026”, Khul pơlir mơnuih mă bruă ƀôn prong amra jao 65.000 pok hră blơi gơnam, abih tih nua ñu rơbêh 6,5 klai prăk ƀơk brơi mơnuih mă bruă.