Truh ră anai, tơring čar Dak Lak ngă giong laih bruă ming pơkra glăi sang giăm 900 boh sang răm kơtang. Hăng 606 boh sang dlưh hlao, ia kor pơđuăi, abih bang man pơdong phrâo; truh ră anai ngă giong laih 6 boh sang hlong jao glăi, mrô dŏ glăi hlăk dŏ man pơkra tañ djơ̆ hrơi blan pơkă.

Khua mua tơring čar git gai brơi ngă tui khut khăt pơgiong abih bruă man pơdong sang hlâo kơ ngă yang čơkă thun phrâo djuai ania kiăng ană plơi pla hơmâo sang dŏ hơđong, čơkă ƀong têt amăng sang phrâo trơi pơđao,  kơjăp hloh.