Mơguah lơ 27/1, Khua mir sir ơi Lương Cường ngă bruă hăng Anom bruă Mir sir kơ pok pơhai bruă pơphun ngui ƀong Tê̆t Bính Ngọ 2026. Tơdơi kơ hmư̆ tơlơi pơthâo glăi hăng pơgôp hiăp, Khua mir sir tŭ ư laih hăng hơdôm bruă hơmâo ba tơbiă, laih dong kiăng ngă tui khut, djơ̆ hăng tơlơi pơtrun, tơlơi git gai mơ̆ng Ding jum Kơđi čar, Khul khua git gai Ping gah hăng kiăo tui tơlơi pơtô ba mơ̆ng hơdôm anom bruă bơdjơ̆ nao amăng bruă ngui Tê̆t.

Khua mir sir kiăng prăp lui klă, djŏp, bơwih brơi mơnuih ƀôn sang čơkă Tê̆t, rơnuk rơnua, hiam klă, pơkrem prăk, hok mơak mơ̆ng akŏ thun 2026 mơtăm. Rơngiao kơ anun, kiăng prăp mơnuih nao čuă, bơni hơ-ơč Tê̆t kơ ƀing khua hơđăp, mơnuih ngă hơkrŭ đưm, tơhan blah ngă hăng hơdôm khul grup glăk mă bruă pơ kual ataih yaih, guai dêh čar, bul pơtâo plao ia rơsĭ, pơhlom brơi abih bang hơmâo čơkă Tê̆t trơi pơđao, mơak mơai./.