Kông ang tơring čar Lâm Đồng jao 6 boh sang khăp pap ƀơi kual giăm guai
Thứ tư, 08:00, 28/01/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Tŏ ngă tui Jơlan hơdră ruh hĭ sang tơ̆i phŏ, sang dŏ jang jai, kông ang tơring čar Lâm Đồng phrâo pơphun mông ngă lơphet đĭ dŏ sang phrâo, jao pơhrua dong 6 boh sang brơi hơdôm boh sang anŏ tơnap tap hloh ƀơi dua boh să giăm guai hơmâo Thuận Hạnh hăng Đăk Wil.
Tŭ mă boh pơkhoă sang phrâo, hơdôm boh sang anŏ ol kơdol pran jua hăng mơ-it nao tơlơi pơpŭ bơni kơ khua mua kông ang tơring čar, gưl Ping gah, gong gai ƀon lan hăng ƀing mơnuih čơmah hơmâo djru man pơdong sang phrâo prong rơhaih, sir kjăp.
Đại tá Nay Gia Phú, kơ-iăng Khua kông ang tơring čar Lâm Đồng mơ-it nao tơlơi pơpŭ hơ-ơč hơdôm boh sang anŏ hơmâo sang dŏ phrâo hăng čang rơmang hơdôm boh sang anŏ amra pơjing tơlơi hơdip trơi pơđao, thâo khăp pap, hrŏm hăng tơhan kông ang wai pơgang rơnuk rơnua, hơđong amăng ƀon lan; gum tơhan hrŏm, pơgôp pran pơjing plơi pla lŏn ia jai hrơi pơdrong sah.
Viết bình luận