Kơčăo bruă RECAF hơmâo pơphun ngă amăng 6 thun, ƀơi hơdôm boh tơring Dak lăk, Gia Lai, Lâm Đồng hăng Khánh Hòa, pơƀut djru pơplih hơbô̆ bruă tui jơlan ngă hmua- pla kyâo mut hrŏm hơđong, pơgang glai hơmâo hơđăp hăng pơđĭ tui djŏp bruă pơjing rai nua gơnam mơ̆ huăi ngă rơngiă glai rưng.

Tui hăng akŏ bruă, kơčăo bruă anai amra djru pơhrŏ trun năng ai 6,68 klak tơn CO2, pơplih 145.000ha đang glai jing anih ngă hmua - pla kyâo glai mut hrŏm kjăp hăng pơgang ba năng ai 500.000 ha glai rưng hơđăp, yom. Kơčăo bruă RECAF him lăng ba glăi tŭ yua biă kơ rơbêh 420.000 čô mơnuih ƀôn sang hăng djru ngă tŭ yua brơi rơbêh 1 klăk čô mơnuih pơkŏn dong dưi tŭ mă tơlơi klă anai mơ̆ng ataih, pơhlom ƀu lui hĭ pô hlơi gah tlôn, amăng hrơi mông pơplih mơtah hăng đĭ kyar hơđong.