Ƀơi hơdôm boh să Ia Lốp, Ia Rvê, Ea Bung hăng Ƀuôn Đôn, Dak Lak, Khul pơlir đah kơmơi tơring čar hơmâo jao 24 hơbô̆ bruă bơwih ƀong brơi ding kơna đah kơmơi sang anŏ tơnap tap, kiăng djru brơi hơdôm boh sang anŏ pơđĭ kyar bơwih ƀong huă, hơđong tơlơi hơdip mơda. Hơdôm hơbô̆ bruă djru anai hơmâo rông un pơdjuai un glai, rông rơmô ƀudah kơbao, lăp djơ̆ hăng tơlơi gal amăng rông hlô hăng tơlơi kiăng sit nik mơng rĭm boh sang anŏ.

Abih bang nua hơdôm hơbô̆ bruă bơwih ƀong hơmâo jao lĕ 260 klăk prăk. Anai lĕ bruă mă dong amăng Jơlan hơdră “Bơyan bơnga giăm guai-pơđao pran jua ană plơi pla”, hăng lu bruă mă sit nik bơwih brơi Tết kơ đah kơmơi, ƀing čơđai ƀun rin, sang anŏ tui hơdră djru hăng mơnuih ƀôn sang kual ataih, asuek, kual giăm guai.