VOV.Jarai-Thun hrăm 2026-2027, tơring čar Dak Lak pok pơhai ngă tui lu jơlan hơdră djru ba čơđai sang hră, pơtum nao pơ hơdôm plơi pla kual ataih, asuek, plơi pla mơnuih djuai ƀiă hăng giăm guai dêh čar.

VOV.Jarai-Thượng tướng ơi Phùng Sĩ Tấn, Kơ-iăng khua git gai ling tơhan mơnuih ƀôn sang Việt Nam, Khua grup hyu mă bruă mơ̆ng Ding jum ling tơhan nao ĕp bruă mă prăp lui ngă yang mut thun hrăm phrâo 2026-2027 ƀơi sang hră đôm lăm dua gưl, gưl sa hăng gưl dua să Ea Rok, tơring čar Dak Lak.

VOV.Jarai-Hơdôm boh sang hră đôm lăm dua gưl hlăk man pơgiong ƀơi djop să giăm guai dêh čar pơ kual yŭ tơring čar Quảng Ngãi, tơring čar Kon Tum hơđăp, ba glăi tơlơi đăo kơnang kơ čơđai sang hră, amĭ ama čơđai hăng nai pơtô hrăm hră. Thun hrăm phrâo anai, čơđai sang hră dŏ ƀơi kual giăm guai dưi hrăm amăng anih hrăm, sang hră phrâo, ngă gêh găl brơi čơđai sang hră hơmâo sang hră, anih huă ƀong klă hloh, kah hăng anih kơnang tong ten hơđong pran jua ană plơi pla, mă bruă, pơgang guai dêh čar.

VOV.Jarai-Amăng hơdôm mông bưp mơnuih ƀôn sang ruah khua, bruă tơhnal pơkă, hơdră bruă kiăng pok phư ngăn rơnoh, ngă gêh gal brơi anom bruă tuh pơ alin, bơwih ƀong, sĭ mơdrô lêng hơmâo tơlơi đing nao. Mơng hơdôm tơlơi rơkâo mơng mơnuih ƀôn sang ruah khua hăng tơlơi sit nik pơđĭ kyar, Khua pơ ala mơnuih ƀon sang tŏ tui pơgiong tơhnal pơkă, pơsir hĭ hơdôm tơlơi gun amăng tuh pơ alin, lŏn mơnai, anih anom; kơnuk kơna hăng gong gai djop ƀon lan ngă tui tong ten hơdôm hơdră bruă ba ngăn rơnoh amăng tơlơi bơwih ƀong huă. Hăng kual Dap kơdư-Dơnung tong krah, lơm hơdôm boh ƀon lan ba tơbiă hơnong pơkă pơđĭ kyar dua mrô, tơlơi rơkâo anun jai sit nik tui.

VOV.Jarai-Ƀơi Lâm Đồng, lu tơlơi gun kơ bruă lŏn mơnai, dưm dăp man pơdong, lŏn ngă hmua, lŏn glai hăng hơdôm akŏ bruă ngă sui thun glăk bơdjơ̆ nao tơlơi dưi mơnuih ƀôn sang, pơgăn hĭ bruă mă yua lŏn mơnai. Amăng hrơi mông Khua pơ ala mơnuih ƀon sang dêh čar tal XVI sem lăng pơplih pơkra tơlơi phiăn lŏn mơnai thun 2024 amăng jơnum ƀu tui tơđar lok I, mơnuih ƀôn sang ruah khua hăng gong gai ƀon lan tơring čar Lâm Đồng čang rơmang hơdôm tơlơi gun mơng tơlơi sit nik amra pơsir hĭ, ngă gêh gal kiăng pơđĭ kyar bơwih ƀong huă-mơnuih mơnam.

VOV.Jarai-Dŏ kơnong hơdôm hrơi đôč, ƀing čơđai sang hră ƀơi Dak Lak amra yak nao thun hrăm phrâo 2026-2027. Mơng kual gêh gal truh pơ kual ataih, kual mơnuih djuai ania ƀiă, hơdôm boh ƀon lan hăng hơdôm boh sang hră glăk pơgiong hơdôm bruă dŏ glăi, mơng gơnam măi mok, hơdrôm hră truh pơ nai pơtô hăng hơdră djru brơi čơđai sang hră. Thun hrăm anai hơmâo lu tơlơi pơplih ƀơi hơdôm boh sang hră, pok sang hră kơnuk kơna čem rông ba pơlir dua gưl hăng tơlơi hrưn đĭ klă amăng pơtô pơjuăt kual tơnap tap. Gơnong bruă pơtô pơjuăt hrŏm hăng djop gưl, gơnong bruă ƀơi Dak Lak glăk gơgrong pơplih ngă tui, ngă gêh gal kiăng ƀing čơđai yak nao thun hrăm phrâo rơnuk rơnua, gêh gal.

VOV.Jarai - Giăm ană plơi, pơhmư̆ ană plơi hiăp, kơnang kơ mơnuih ană plơi đăo kơnang či pôr pơthâo, iâu pơthưr ană plơi jing hơdră ngă bruă mơ̆ng Kông an să Quảng Phú, tơring čar Dak Lăk glăk ngă amăng bruă djă puih rơnuk rơnua hơđong ƀơi plơi pla. Hăng hơdôm bruă ngă rơđah rơđông, lu bruă hơmâo amăng plơi pla, amăng anun hơmâo bruă djuai ania, tơlơi đăo, hơmâo ƀuh hăng pơsir hlao amăng plơi mơtăm. Anai ăt jing bruă ƀing kông an amăng să, plơi pla hrăm hăng hla tui kơnuih hiam Wa Hồ amăng bruă mă rim hrơi.

VOV.Jarai-Rơbêh 50 thun tơdơi kơ tal blah wang kơtang tĭt, tơlơi pioh glăi mơng rơnuk blah wang ăt dŏ glăi amăng atur lŏn kual Đăk Pék, tơring čar Quảng Ngãi (tơring glông Đăk Glei, tơring čar Kon Tum hơđăp). Tơlơi pơhing mơng mơnuih ƀôn sang, tơhan hơđăp hăng mơnuih dŏ hơdip jing tơlơi črâo ba yôm phăn kiăng ling tơhan dưi ĕp ƀuh, klơi pơƀut glăi tơlang tơleh tơhan djai pơsăn drơi.

VOV.Jarai-Mơ̆ng thun hrăm 2026-2027, čơđai sang hră 4 boh sang hră gưl klâo hrăm Chuyên ƀơi tơring čar Lâm Đồng amra sit nik dưi tŭ mă prăk djru apah dŏ glăi amăng sang hră hăng prăk yua pơkŏn.

VOV.Jarai-Ƀơi să Diên Khánh, tơring čar Khánh Hòa, anom bruă bơdjơ̆ nao pơphun nao tŭi ñang, dưm guang bơnga pioh hơ-ŭ hơdor hăng jao glăi 13 per tơlang tơleh tơhan hơmâo ĕp ƀuh ƀơi kual sang mơnă hơđăp amăng plơi prong sô hơđăp Diên Khánh.