VOV.Jarai-Ngă tui tơlơi jak iâu hăng bruă jao 500 hrơi mlam hơduah ĕp, rŭ kual, pơtum ƀut hăng pơčrang kiăng pơtong rơđah thâo anăn, krăn pô tơlang ƀing tơhan pơsăn drơi jăn kơ lŏn ia aka ƀu thâo anăn mơ̆ng hlâo ƀơi Gia Lai, bruă mă mah tơlang ba pơčrang čơđeh AND, dưi pơphun ngă hmar biă mă. Rim boh pơsat rŭ glăi, pok jơlan sa tơlơi čang rơmang phrâo, pioh kơ pô đih glăi ƀơi anun tơdơi kơ rơnuk blah ngă, mơ̆ng thâo anăn krăn pô sit nik, ba glăi dor pơ plơi pla, jĕ giăm hăng sang anŏ, kơnung djuai.

VOV.Jarai-Amăng hrơi mông mă bruă tơnap tap, yua thun blan blah wang rơgao sui laih hăng črăn tơlang tơleh ƀing pơsăn drơi jăn phŏ abih, ƀing tơhan hyu mă brua ngă tui tơlơi jak iâu “500 hrơi mlam” ƀơi Gia Lai ăt hlăk dŏ gir run mă bruă, hyu kuai, duñ ba, djă pioh, pơčrang čơđeh meh tơlang tơhan djai pơsăn drơi, kiăng thâo anăn, krăn pô.

VOV.Jarai-Kơnôl 30/6, ƀơi tơring čar Dak Lak, Ding jum kông ang pơphun mông lăi pơhâo kơ bruă pok sang hră gru grua kông ang mơnuih ƀôn sang mrô II.

VOV.Jarai - Kơnôl 29/6, Khua ding jum Djuai ania hăng Tơlơi đăo ơi Nguyễn Đình Khang ngă bruă hăng Jơnum min mơnuih ƀôn sang tơring čar Khánh Hòa kơ boh than ngă tui Jơlan hơdră dêh čar pơtrun đĭ kyar bơwih ƀong huă - mơnuih mơnam kual mơnuih ƀôn sang djuai ƀiă hăng čư̆ siăng rơwang thun 2021-2025, laih dong pok pơhai jơlan hơdră rơwang thun 2026-2030.

VOV.Jarai - Ƀơi să Hòa Thịnh, tơring čar Dak Lăk pơphun man pơdong 100 boh sang jơnum plơi pla pioh pơgang ia dăo hlao ƀơi hơdôm boh plơi pla. Jơlan hơdră man pơdong sang jơnum hrŏm plơi pla pioh pơgang ia dăo hai ƀơi hơdôm boh plơi amăng tơring čar Dak Lăk (črăn sa) hơmâo prăk tuh pơ alin rơbêh 170 klai prăk.

VOV.Jarai-Amăng hrơi blan lŏn ia ta glăk pơtrut kơtang bruă pơplih hơdôm bruă mă amăng Ƀirô khua pơ ala mơnuih ƀôn sang, ngă hơbot anih anom hăng pơjing anih anom djru bruă, bruă ngă djơ̆ pran mơnuih ƀôn sang glăk dong ƀơi anăp kơ tơlơi rơkâo pơplih kơtang. Yua anun, bruă ngă djơ̆ pran mơnuih ƀôn sang kiăng bruă kiăng tañ thâo pran jua mơnuih ƀôn sang, anai lĕ bruă lăi pơthâo hơdră bruă, jing tơlơi pơkă brơi bruă wai lăng dêh čar. Anai lĕ tơlơi pơsit hơmâo Khua git gai pơ ala mơnuih ƀôn sang ơi Trần Thanh Mẫn lăi nao amăng jơnum lok 3 mơng Jơnum min apăn bruă khua pơ ala mơnuih ƀôn sang dêh čar.

VOV.Jarai-Tơdơi kơ giăm 8 blan man pơdong, 2 boh sang hră kơnuk kơna čem rông ba gưl I hăng II ƀơi 2 boh giăm giăm guai Quảng Trực, Thuận An, tơring čar Lâm Đồng glăk ječ ameč man pơdong giong hăng gir run pơgiong hlâo kơnôl 15/8/2026.

VOV.Jarai - Tlam lơ 25/6, git gai Jơnum đơ đam čar ta kơ pơgang ba ƀing čơđai, Ding kơna git gai Ping gah, Kơ-iăng khua dêh čar yă Phạm Thị Thanh Trà, Khua Jơnum min Dêh čar kơ ƀing čơđai lăi pơtŏng: Pơgang ba ƀing čơđai khŏm jing bruă akŏ phun kiăng hlâo hloh, laih anun tơlơi gơgrong mơ̆ng pô ngă khua.

VOV.Jarai-Kơ-iăng khua dêh čar yă Phạm Thị Thanh Trà pơtrun hiăp brơi đing nao hlâo djop mơnuih mă bruă kiăng pok pơhai tŭ yua Bruă ngă amăng 500 hrơi mlam, pơtrut hyu hơduah ĕp, rŭ mă tơlang ƀing tơhan djai pơsăn drơi yua kơ lŏn ia.

VOV.Jarai - Kơnôl 23/6, Jơnum min mơnuih ƀôn sang tơring čar Khánh Hòa pơphun jơnum pơtŏng glăi bruă ba glăi blung a pok pơhai 500 hrơi mlăm hyu ĕp, klơi, kuai mă tơlang tơhan hăng pơtŏng rơđah anăn tơhan djai pơsăn drơi hăng hơdră pơčrang ADN, laih dong pơčrông sai pơklaih brơi anŏ tơnap đah mơ̆ng ngă klă djŏp bruă hơmâo jao.