Tơlơi pơhing kơ anih dor 2 per tơlang tơhan djai pơsăn drơi amăng rơnuk blan wang thun 1962 hơmâo ơi Trần Xuân Lý, 71 thun, mơnuih ƀôn sang plơi Trung Lương 1 lăi pơthâo. Ƀơi kual plơi Trung Lương 1, să Tuy An Tây, ling tơhan hơmâo ĕp ƀuh 2 per tơlang tơhan klŏn amăng akhăn tăng, hrŏm hăng gơnam yua. Pơlăng nao rai hăng tơlơi pơhing arăng lăi pơthâo, ling tơhan pơsit anai lĕ tơlang tơhan hăng pơphun ba nao răk pioh tui tơlơi pơkă.

Ră anai 2 per tơlang tơhan hơmâo dưm răk pioh ƀơi pơsat Tuy An, să Ô Loan, tơring čar Dak Lak. Truh ră anai, amăng hơdră bruă 500 hrơi mlăm pơtrut kơtang bruă hyu ĕp, klơi rŭ hăng ĕp brơi anăn krăn pô tơlang tơhan, Grup K51 hơmâo ĕp ƀuh, klơi rŭ đĭ 54 per tơlang tơhan amăng tơring čar Dak Lak hăng Mondukiri, dêh čar Kur.