Ĕp ƀuh 6 per tơlang tơhan djai pơsăn drơi ƀơi Gia Lai, pơsit anăn krăn pô tơhan pơsăn drơi Nguyễn Thanh Trì
Thứ ba, 10:08, 20/10/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Grup tơhan K52, Sang bruă khua tơhan tơring čar Gia Lai hơmâo ĕp ƀuh dong 2 per tơlang tơhan pơsăn drơi ƀơi đang boh ñông plơi Bi, să Ia Dom.
Tơdơi kơ uă rơgoh ia pơsơi brêng ƀơi pơnăng čih anăn, ling tơhan pơđok boh hră kač: “Tơhan djai pơsăn drơi - Nguyễn Thanh Trì - Djai kơnôl 18/5/70”, mơ̆ng anun thâo krăn pô djai lĕ Nguyễn Thanh Trì. Tui anun, yap truh ră anai, Grup tơhan K52 hơmâo rŭ đĭ 6 per tơlang tơhan pơ đang hmua plơi Bi, să Ia Dom. Amăng mrô anai, sa per tơlang thâo krăn laih pô djai lĕ Nguyễn Thanh Trì; 5 per tơlang dong aka ƀu thâo krăn hlơi ôh.
Khul git gai bruă hyu ĕp, kuai rŭ tơlang hăng pơsit anăn krăn pô tơhan djai pơsăn drơi ƀơi Gia Lai čang rơmang tơhan hơđăp, ƀing gŏp tơhan djai, anom bruă, gong gai wơ̆t hăng mơnuih ƀon sang pơthâo brơi tơlơi pơhing kơ pô djai Nguyễn Thanh Trì hăng sang anŏ ñu, kiăng thâo djŏp tơlơi pơhing, tañ ĕp ƀuh sang anŏ pô djai.
Viết bình luận