Gia Lai klơi rŭ đĭ 2 per tơlang thâo krăn anăn ƀơi tơdron ngă hơkrŭ kual 10
Thứ hai, 14:10, 19/10/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Grup K52 (anom bruă kơđi čar, anom bruă git gai ling tơhan tơring čar Gia Lai) phrâo gum hrŏm hăng gong gai hăng mơnuih ƀôn sang să Krong pơphun nao klơi rŭ, pơƀut glăi 2 per tơlang tơhan Pyeh hăng Đinh Sơnk. Ƀơi anai amăng rơnuk blah ayăt Mi jing tơdron ngă hơkrŭ kual 10.
Ƀơi anih klơi pơƀut glăi, anom bruă bơdjơ̆ nao hơmâo ĕp ƀuh lu gơnam yua anun lĕ: kơƀang čih anăn tơhan, 2 ară gai čih, ăng gô, ƀinh tông, jĕp kơsu, adrăng, thŏng, hla king hrŏm hăng gơnam yua pơkŏn dong.
Ră anai hơdôm per tơlang tơhan glăk răk pioh, tŭi ñang kiăng dŏ tơguăn ba nao hơ-ŭ hơdor hăng pơyua tui tơlơi pơkă. Tơdron ngă hơkrŭ kual 10, dong amăng să Krong ră anai, juăt lĕ anih phun mơng Ping gah tơring čar Gia Lai hăng ling tơhan phun tơring čar amăng rơnuk blah ayăt Mi, mơng thun 1955-1975.
Viết bình luận