Yang hrơi tlam, ƀing khua mua pơčrông sai ƀơi grup kơ črăn tơlơi phiăn Hình Sự (čih pơkra glăi) hăng tơlơi pơtrun mơng Ƀirô Khua pơ ala mơnuih ƀon sang dêh čar kơ bruă ngă tui tơlơi phiăn Hình sự (čih pơkra glăi); črăn tơlơi phiăn dưm dăp anom bruă pel ĕp kơđi hình sự (čih pơkra glăi). Pơgôp hiăp amăng črăn tơlơi phiăn rông ană rông (čih pơkra glăi), sa, dua čô khua brơi thâo, bruă čih pơkra glăi tơlơi phiăn tal anai kiăng kơtưn kah gưl, jao bruă, pơlir hăng pơplih mrô brơi lăp djơ̆ hăng tơlơi sit nik.

Hơdôm boh tơhnal čih pơkra glăi kiăng lăp djơ̆ tơlơi rơkâo pơhlôm brơi bruă čem rông čơđai klă hloh. Ƀing khua mua brơi thâo, bruă čih pơkra tơlơi phiăn rông ană rông amăng tơlơi hơdip sit nik ră anai lĕ kiăng hloh, kiăng ngă tui djơ̆ tơlơi pơmĭn amăng kơtưn djru ba, pơtô hrăm hăng wai pơgang ƀing čơđai; laih dong rŭ pơkra hơdôm anŏ aka ƀu klă amăng tơlơi sit nik ngă tui tơlơi phiăn rông ană rông thun 2010.