Tơdơi kơ ngă yang jôk atâo, hơ-ŭ, ba dor 731 per tơlang tơhan amăng kơnôl 14/10, ling tơhan hyu ĕp, kual rŭ tơlang tal dua dong ƀơi kual B. Mơ̆ng kơnôl 15 truh abih kơnôl 17/10, hơmâo ƀuh, rŭ đĭ 33 per tơlang tơhan dong, amăng anun hơmâo 11 per tơlang hơmâo gơnam pơtui.

Tui anun, mơ̆ng hrơi pơphun hyu ĕp amăng kơnôl 23/6 truh kơ abih kơnôl 17/10, ling tơhan hơmâo ĕp ƀuh abih bang 764 per tơlang tơhan pơsăn drơi kơ lŏn ia ƀơi Đang bơnga Lê Thị Riêng, amăng anun hơmâo 318 per tơlang tơhan hơmâo gơnam pơtui. Ră anai bruă hyu ĕp, kuai rŭ tơlang tơhan glăk hơmâo ngă hăng pran jua gơgrong bruă prong biă, pơdah pran pơpŭ dlăm biă hăng ơi yă, anong wa djai pơsăn drơi kơ lŏn ia, pơklaih rơngai djuai ania, akŏ pơjing hăng pơgang Lŏn ia.