Sit biă ñu, ƀing khua mua sem lăng hơdră djru 100% prăk blơi hră pơhlôm nua ia jrao brơi mơnuih mơng 60 thun truh pơ yŭ 75 thun aka ƀu hơmâo hră pơhlôm nua ia jrao amăng tơring čar. Tui tơlơi pơkă, hơdră bruă anai amra djru rơbêh 83.700 čô mơnuih tha rơma, hăng prăk mă yua rơbêh 114 klai prăk rĭm thun.

Jơnum ăt sem lăng abih tih prăk tuh pơ alin man pơdong man ƀrô rơwang 2026-2030 brơi tlâo jơlan hơdră hơnong pơkă dêh čar amăng man pơdong plơi pla phrâo, pơhrŏ trun ƀun rin hơđong kjăp hăng pơđĭ kyar bơwih ƀong huă-mơnuih mơnam kual mơnuih djuai ania ƀiă, kual čư̆ siăng, him lăng rơbêh 4.500 klai prăk. Hrŏm hăng anun, ƀing khua mua sem lăng hơdră pơhrua 245 klai prăk brơi 15 akŏ bruă yua boh thâo phrâo, boh thâo măi mok, pơplih pơčeh phrâo hăng pơplih mrô; 21 akŏ bruă kiăng pơhrui glăi lŏn mơnai ƀudah pơplih mă yua lŏn glai.