Dak Lăk rŭ đĭ 2 per tơlang tơhan pơsăn drơi kơ lŏn ia ƀơi anih blah đưm H9 Čư̆ Yang Sin
Thứ tư, 10:43, 21/10/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Grup tơhan K51, Sang bruă khua tơhan tơring čar Dak Lăk ngă hrŏm hăng gong gai laih anun Khul git gai tơhan să Krông Bông phrâo kuai rŭ đĭ 2 per tơlang tơhan djai pơsăn drơi kơ lŏn ia ƀơi Čư̆ Yang Sin, giăm Sang ia jrao đưm gah Kual ngă hơkrŭ H9 mơ̆ng Ping gah tơring čar Dak Lăk amăng rơnuk blah ayăt Mi.
Bruă ĕp ƀuh dua per tơlang tơhan pơ anai, brơi ƀuh, bruă hyu ĕp ăt kiăng ngă hmar dong, yua dah lu pơsat tơhan aka ƀu thâo krăn, aka ƀu hơmâo rŭ đĭ ôh.
Anai jing 2 per tơlang tơhan pơsăn drơi kơ lŏn ia hơmâo ĕp ƀuh yua mơnuih ƀon sang pơthâo brơi. Mơ̆ng anun djru Grup tơhan K51, Sang bruă khua tơhan tơring čar Dak Lăk hyu ĕp, rŭ đĭ, hơmâo abih bang 47 per tơlang tơhan ƀơi Dak Lăk hăng tơring čar Mondulkiri dêh čar Kur, amăng Bruă mă 500 hrơi mlăm pơtrut ngă hmar bruă hyu ĕp, kuai rŭ hăng pơsit anăn krăn pô tơhan djai pơsăn drơi kơ lŏn ia./.
Viết bình luận