Mơguah kơnôl 21/10, ƀơi Tơdron rơdêh por jar kmar Cần Thơ (gah kual ling tơhan), Sang bruă khua tơhan Kual 9 ngă hrŏm hăng Tơhan pơgang rơngit adai - Tơhan rơdêh por hăng hơdôm boh tơring čar, ƀon prong amăng Kual lŏn dăo ia krông Cửu Long pơphun pơgiăng nao, jao glăi tơlang tơhan djai pơsăn drơi kơ lŏn ia pioh pơčrang ADN kiăng thâo anăn krăn pô hăng rơdêh por pơgiăng CASA-C295 Lữ đoàn 918 (Tơhan pơgang rơngit adai - Tơhan rơdêh por).

Bruă ba nao 8.453 čơđeh tơlang tơhan amăng rơdêh por tơhan tal anai ăt pơđut hĭ laih bruă mă čơđeh meh tơlang mơ̆ng Bruă mă 500 hrơi mlăm. Anai jing bruă pơtruh hăng anom bruă rơdêh por yom biă mă, tŏ tui tơlơi pơ-ư pơ-ang mơ̆ng đưm hlâo hăng tơlơi pơpŭ bơni rơnuk anai. Rim čơđeh tơlang tơhan hơmâo klum hăng hla gru mriah, jing jơlah apui čang rơmang, jing tơlơi iâu tui mơ̆ng đưm adih hmư̆ truh pơ rơnuk ƀing ta. Anai ƀu kơnong bruă mă mơ̆ng boh thâo ia rơgơi đôč ôh, ăt jing tal por nao mơ̆ng tơlơi khăp ƀu-eng phung djuai, djă tơlơi čang rơmang, đăo kơnang prong, ngă plai ƀiă tơlơi rơngôt sôt sui thun yun blan dŏ tơguan.