Sang rung hơmâo tuh pơ alin 3 klai prăk, man pơdong prong 156 met karê, glông 21,2 met, pơkra tui rup rap sang gru grua djuai ania Jarai. Sang rung hơmâo dưm truă apui lơtrik, gơnam pơhlôm pơgang tal klă, apui ƀong, pơhlôm brơi anih jơnum amăng plơi pla, pơphun ngui ngor hăng djă pioh gru grua djuai ania. Ăt amăng tal anai, hơdôm anom bruă hơmâo jao ring bruă “Bang bơngač plơi plơi” ƀơi hơdôm să Ia Nan, Ia Pnôn hăng Ia Krêl.

Hăng prăk djru brơi 1,6 klai prăk amăng tal 2 thun 2026, jơlan hơdră him lăng dưm truă 533 gong apui kơđen hrĭp pơ-iă yang hrơi rôk jơlan 18 km, ƀơi 12 kual plơi pla ƀơi Gia Lai, Quảng Ngãi hăng Quảng Trị. Hơdôm ring bruă anai pơgôp ngă pơplih tơlơi hơdip, pơhlôm rơnuk rơnua, hơđong hăng hruă kjăp pran gum pơgôp ling tơhan mơnuih ƀôn sang kual giăm guai.