Ƀơi anih ling tơhan kual 7 dŏ mă bruă hơmâo ƀôn prong Hồ Chí Minh, Đồng Nai, tơring čar Lâm Đồng hăng Tây Ninh. Amăng bruă ngă tui 500 hrơi mlam, ling tơhan kual 7 dưi jao khom ĕp hăng tŭ kuai 900 per tơlang tơhan pơsăn drơi črăn 1 hăng 1.500 per tơlang tơhan pơsăn drơi kơ abih tal jao ngă bruă.

Truh ră anai, ling tơhan kual 7 hơmâo rŭ kuai truh kơ 1.600 per tơlang tơhan djai pơsăn drơi jăn yua kơ lơ̆n ia. Lơ̆m bruă pơsit anăn krăn pô ƀing tơhan pơsăn drơi, ling tơhan kual 7 hơmâo rŭ kuai, laih anun mă meh čơđeh asar 30.650 mơta čơđeh, meh tơlang pioh pơčrang ADN. Tơring čar Lâm Đồng lĕ anih ngă giong hlâo tañ hloh, truh kơnôl 12/8 laih rơgao. Ling tơhan kual 7 ăt čih pơmut anăn amăng mrô djop tơlơi pơhing mơ̆ng 58 ƀut pơsat dor tơhan djai pơsăn drơi jăn yua kơ lơ̆n ia, ngă atur djă pioh mrô, pioh ĕp lăng hăng pơsit anăn krăn pô kơ tơhan pơsăn drơi. Ră anai, ƀing tơhan djop anom bruă kơnuk kơna hlăk pơtong glăi tơlơi pơhing hăng ngă tui bruă hyu hơduah ĕp pơsat rŭ kuai mă dơ̆ng tơlang tơhan pơsăn drơi jăn yua kơ lơ̆n ia.