VOV.Jarai-Amăng tal nao čuă jơmư gưl kơnuk kơna pơ dêh čar Lao, tlam mơmŏt lơ 1/12, ƀơi plơi prong jưh jom Viêng Chăn, Khua git gai ping gah ơi Tô Lâm bưp khua mua, mơnuih apăn bruă anih jưh pơ ala laih anun mơnuih ƀôn sang Việt Nam ƀơi dêh čar Lao.

VOV.Jarai-Kơčăo bruă čih Hră lăi pơthâo kơđi čar mơ̆ng Khul apăn bruă ping gah gơnong dlông dêh čar tal XIV lăi pơtong: “Akŏ pơdong đĭ mơnuih apăn bruă ngă khua, git gai wai lăng mơ̆ng glông bruă kơđi čar, boh nik ñu ƀing khua mua apăn bruă pơprong hăng khua mua ƀơi gưl plơi pla ba gru hlâo, hơmâo tơlơi pơmin, tơlơi thâo git gai wai lăng hăng ia rơgơi phrâo, djơ̆ găl hăng hơbô̆ bruă phrâo laih anun djơ̆ hăng tơlơi pơđĭ kyar kơtang hloh ƀơi lŏn ia”. Boh yom phun anai, dưi hơmâo ƀing khua mua, mơnuih ping gah djop tơring čar kual čư̆ siăng, kual giăm guai dêh čar hlăk đing nao lu biă mă laih anun hơmâo lu tơlơi pơgôp hiăp tơpă kơ lu hơdră kiăng pơtum nao pơsir amăng rơwang bruă pơ anăp anai.

VOV.Jarai-Bruă gơnong bruă pơtô pơjuăt Dak Lak glăk ječ ameč pơgiăng nao hơdrôm hră pơ hơdôm boh ƀon lan bơdjơ̆ nao, amra ngă bruă hrăm hră amra pơphun glăi tui hơđăp, laih dong djru plai ƀiă ngă kơtrâ̆o brơi hơdôm boh sang anŏ, tơdơi kơ rơngiă abih kông ngăn lơm ia dăo.

VOV.Jarai-Hrŏm hăng Dak Lak, mông ngă lơphet pok pơhai ječ ameč man pơdong sang djru brơi mơnuih kual ia ling dăo ăt pơphun ƀơi tơring čar Gia Lai, Khánh Hòa hăng prăk djru aset hloh 170 klăk prăk sa boh sang.

VOV.Jarai-Bruă ia jrao hrŏm hăng gru grua, pơtô pơjuăt lĕ hơdôm bruă akŏ phun yôm biă mă, ƀu djơ̆ kơnong lĕ hơnong pơkă đôč ôh mơ̆ ăt lĕ tơlơi pơtrut kiăng pơđĭ kyar mơnuih mă bruă. Anai lĕ boh pơhiăp mơng Khua git gai Ping gah ơi Tô Lâm lơm Khua pơ ala mơnuih ƀôn sang dêh čar pơčrông sai ƀơi grup kơ 2 jơlan hơdră tui hơnong pơkă dêh čar kơ bơwih brơi tơlơi suaih pral, mrô mơnuih hăng pơđĭ kyar laih dong jơlan hơdră pơplih phrâo, hrưn đĭ klă amăng pơtô pơjuăt rơwang thun 2026-2035. Tui Khua git gai Ping gah, hơnong pơkă dêh čar ƀu djơ̆ kơnong mơng gơnong bruă pơtô pơjuăt ƀudah ia jrao đôč ôh mơ̆ ăt mơng abih bang mơnuih ƀôn sang kiăng gum hrŏm; kiăng bơtŭ ư hrŏm hơnong pơkă, anăm ngă luk puk, pơčlah ngăn rơnoh, yua tuč rơnuč mơnuih ƀôn sang lĕ ƀing mơnuih amra tŭ mă djop tơlơi hiam klă.

VOV.Jarai - 200 anung gơnam, rim anung hơmâo 10 kg braih, hơmâo brơi kơ 200 boh sang anŏ ƀơi dua boh să Hòa Thịnh hăng Đông Hòa - hơdôm sang anŏ răm rai kơtang hloh yua ia dăo ngă.

VOV.Jarai-Truh ră anai, ia ling dăo hrŏ laih, ƀơi Dak Lak, Gia Lai, khul ling tơhan blah ngă Kual 5, phung tơhan mrô 34 (Quân đoàn 34) hmar nao djru ba mơnuih ƀôn sang pơsir tơlơi răm ƀăm truh, rŭ glăi bruă ngă hmua pla pơjing hăng pơhơđong glăi tơlơi hơdip mơda mơnuih ƀôn sang tơdơi kơ lŏn adai truh sat răm ƀăm.

VOV.Jarai-Khua Jơnum min mơnuih ƀôn sang tơring čar Lâm Đồng phrâo kĭ tơlơi pơtrun tŭ yap 95 boh să, phường kual čư̆ siăng amăng tơring čar.

VOV.Jarai - Jơnum min mơnuih ƀôn sang să Phan Sơn, Lâm Đồng (gah tơring glông Bắc Bình, tơring čar Bình Thuận hơđăp) pơphun man pơdong 4 boh sang kơ mơnuih ƀôn sang djuai ania aset tơnap tap.

VOV.Jarai - Kiăo tui tơlơi jak iâu mơ̆ng Khul Khua Jơnum min djŏp djuai ania mơnuih mơnam Việt Nam, tlam lơ 25/11, ơi Trần Thanh Lâm, Kơ-iăng khua Anom pơtô bruă Ping gah hăng Pơtô ba mơnuih ƀôn sang dêh čar, hơmâo brơi 450 klăk prăk mơ̆ng hơdôm khul grup khua mua, mơnuih ping gah, mơnuih mă bruă Anom bruă pơtô Ping gah hăng Pơtô ba mơnuih ƀôn sang pơčruh prăk djru kơ neh met wa pơ kual ia dăo.