Man pơdong sang dŏ “Gum pơgôp” kơ mơnuih ƀôn sang djuai ania aset ƀơi Lâm Đồng
Thứ năm, 14:11, 27/11/2025
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Jơnum min mơnuih ƀôn sang să Phan Sơn, Lâm Đồng (gah tơring glông Bắc Bình, tơring čar Bình Thuận hơđăp) pơphun man pơdong 4 boh sang kơ mơnuih ƀôn sang djuai ania aset tơnap tap.
Rơđah biă ñu, amăng tal anai, să Phan Sơn hơmâo man pơdong 3 boh sang “Gum pơgôp” hăng 1 boh sang amăng Jơlan hơdră dêh čar pơtrun kơ kual mơnuih ƀôn sang djuai ania aset. Prăk pioh ngă lĕ 220 klăk, hơmâo lu tơlơi gum djru mơ̆ng hơdôm sang mơdrô hăng prăk mơ̆ng Kơnuk kơna pơpha brơi hluai tui jơlan hơdră dêh čar đĭ kyar bơwih ƀong huă- mơnuih mơmam kual mơnuih ƀôn sang djuai ania aset thun 2025.
Ƀơi mông man pơdong lơ 26/11, pô tuh pơ alin ƀuăn ngă tañ, gir ngă giong tui hrơi pơkă, laih anun jao glăi sang dŏ tañ kiăng mơnuih ƀôn sang hơđong tơlơi hơdip.
Viết bình luận