Hlâo anun, Jơnum min mơnuih ƀôn sang tơring čar Lâm Đồng ăt lăi pơthâo kual bul pơtâo Phú Quý lĕ anih anom mă bruă gưl să ƀơi bul pơtâo amăng tơring čar. Yua anun tơdơi kơ pơgiong bruă dưm dăp, Lâm Đồng ră anai hơmâo abih bang 124 anih anom gưl să. Amăng anun, tơring čar pơsit tong hơmâo 95 anih lĕ să, phường kual čư̆ siăng hăng 1 anih mă bruă gưl să ƀơi bul pơtâo.

Bruă dưm dăp anai lĕ tơlơi prap lui yôm kơ bruă plĕ hră ruah Khua pơ ala mơnuih ƀôn sang tal XVI hăng khua mua Jơnum min pơ ala mơnuih ƀôn sang djop gưl rơwang thun 2026-2031. Anai lĕ atur kiăng jŭ yap mrô khua mua Jơnum min pơ ala mơnuih ƀôn sang să rơwang pơ anăp.