VOV. Jarai-Ƀơi mông Jơnum lok 10, Khua pơ ala mơnuih ƀôn sang dêh čar tal 15, Khua pơ ala mơnuih ƀôn sang bơkơtuai ƀơi grup kơ Tơlơi phiăn pơkra glăi, pơhrua tui hơdôm tơlơi mơ̆ng 15 tơlơi phiăn gah bruă ngă hmua hăng ayuh hyiăng. Sa amăng hơdôm tơlơi hơmâo lu khua mua lăng yom pơđing hmư̆ hloh lĕ jao tơlơi dưi ngă bruă kơtang hloh kơ tơring čar amăng wai lăng rông, pơjrao hlô rông hăng tơjŭ pla, pơhlôm prăp rơmet hơdeč hmar amăng bruă wai lăng, nao hrŏm hăng tơlơi gơgrong bruă mơ̆ng gong gai ƀôn lan, laih dong pơsir hĭ “anih dŏ kơđông” mơ̆ng tơlơi hơmâo sit nik pok pơhai hrơi blan rơgao.

VOV.Jarai-Gơnong bruă kông ang tơring čar Gia Lai glăk pơtrut kơtang bruă pơtô hrăm, pơphun pơplông, ngă brơi hră pơ-ar mơgăt rơdêh gưl A1 soh sel brơi mơnuih djuai ania ƀiă sang anŏ tơnap tap, mơnuih kual ataih, asuek, kual giăm guai amăng tơring čar. Bruă mă anai kiăng mơnuih ƀôn sang răng kơđiăng lơm đuăi rơdêh, pơgôp ngă plai ƀiă, hrŏ trun ƀuh rơdêh pơjrŏm amăng kual mơnuih djuai ania ƀiă.

VOV.Jarai-Ngă tui hơdră gong gai kơnuk kơna dua gưl, Khua git gai pơ ala mơnuih ƀôn sang dêh čar ơi Trần Thanh Mẫn lăi lĕ, amăng rơnuk lŏn ia dŏ lu tơlơi tơnap tap, djop tơring čar khut khăt ngă tui ba yua ia rơgơi mrô, jing boh thâo ia rơgơi amăng bruă mă, kiăng kơ ƀiă mơnuih đôč, samơ̆ bruă ăt hruaih.

VOV.Jarai-Ngă tui tơlơi črâo trun mơng Ping gah hăng Kơnuk kơna amăng pơđĭ kyar pơtô pơjuăt kual giăm guai, tơring čar Lâm Đồng glăi pơgiong bruă prap lui kiăng man pơdong 2 amăng 5 boh sang hră amăng thun 2025 anai.

VOV.Jarai-Ƀơi mông jơnum lok 4, pơčrong sai hnơ̆ng bruă khul pơ ala mơnuih ƀôn sang tơring čar tal XII lơ 27/10, khul pơ ala mơnuih ƀôn sang tơring čar Gia Lai hơmâo pơsit hĭ hră Pơtrun jơnum, pơkă kơ jơlan hơdră djru ngă hơđong tơlơi hơdip mơda mơnuih ƀôn sang ngă bruă hyu mă akan hơdang hơmâo ƀattô, song nan aka ƀu djop anŏ gêh găl pơtrun kơ bruă hyu mă akan hơdang.

VOV.Jarai - Rơwang hrơi tơjuh rơgao, ƀơi mông jơnum lok 10, Khua pơ ala mơnuih ƀôn sang dêh čar tal 15, ƀing khua pơčrông sai kơ Tơlơi phiăn čih pơkra, pơhrua tui hơdôm tơlơi mơ̆ng Tơlơi phiăn pơtô hrăm; Tơlơi phiăn pơtô hrăm gưl prong (čih pơkra glăi), hăng Tơlơi phiăn pơtô hrăm bruă (čih pơkra glăi). Sa amăng hơdôm bruă hơmâo Khua mua pơ ala mơnuih ƀôn sang lăp đing nao hăng lăi glăi djơ̆ tơlơi rơkâo mơ̆ng mơnuih ƀôn sang, anun lĕ bruă čih pơkra hơdrôm hră pơtô mă yua hrŏm ƀơi abih bang sang hră khŏm pơhlôm klă.

VOV.Jarai - Tom brơi (lơ 26/10), Khua ping gah tơring čar Dak Lăk ơi Lương Nguyễn Minh Triết ba jơlan khua mua mơ̆ng tơring čar nao sem lăng kơčăo bruă man pơdong sang hră čem rông ană bă djuai ƀiă pơƀut hơdôm gưl hrăm, pơ hơdôm boh să pơ guai dêh čar, ngă bruă hăng Puih kơđông tơhan pơgang guai Ea H’leo hăng Jơnum min mơnuih ƀôn sang să Ia Lốp.

VOV.Jarai-Giăm 10 thun laih rơgao, jơlan hơdră “čung adơi nao sang hră” juăt lăi Yong tơkai adơi nao hrăm hră, yua tơhan pơgang guai dêh čar tơring čar Gia Lai pô ngă tui jing anih ưh kơnang kơjăp kơ hơdôm hơpluh čô čơđai sang hră ană ƀun rin, sang anŏ tơnap tap dưi nao hrăm hră. Ƀu kơnong kơ bruă ngă hăng tơlơi khăp đôč đač ôh, jing jơlan hơdră kơđŏm jă gru hiam mơ̆ng tơlơi khăp plah wah tơhan ană plơi, tơlơi glăm ba mơ̆ng abih bang mơnuih mơnam laih anun đăo kơnang nao pơ anăp adih ƀơi kual lŏn giăm guai dêh čar hăng amăng kual ia rơsĭ dŏ lu tơlơi tơnap tap.

VOV.Jarai-Hơdôm thun laih rơgao, yua hơmâo rơnoh prăk čan mơ̆ng sang bruă prăk Djru mơnuih mơnam, lu sang anŏ mơnuih djuai ƀiă ƀơi Gia Lai čan prăk tuh pơ alin nao amăng bruă rông rơmô, bê, pla kơphê, pla boh kruăi hrĕ…Yua thâo ba yua prăk hơmâo kơmlai, lu sang anŏ dưi pơhrui glăi hơđong tơlơi hơdip mơda, sang anŏ đĭ đăi gŏ amŏ. Lu sang anŏ ƀu kơnong pơklaih mơ̆ng ư̆ rơpa ƀun rin đôč ôh, dŏ tloh blơi gơnam yua mă bruă, ƀơƀrư̆ hrưn đĭ ngă pơdrong ƀơi plơi pla lŏn mơnai glai klô hing ang.

VOV.Jarai-Lu thun laih rơgao, tơring čar Gia Lai pok pơhai tŭ yua jơlan hơdră kơnuk kơna djru, mơ-it nao hrăm ngă nai, ơi ia jrao, biă mă ñu ană bă mơnuih djuai ƀiă kual ataih, tơnap tap. Hơdôm rơtuh čô ơi ia jrao tơdơi kơ hrăm giong bruă, glăi mă bruă pơ plơi pla, djru pơđĭ tui boh tŭ yua pơjrao duăm ruă, wai pơgang tơlơi suaih pral kơ mơnuih ƀôn sang. Jơlan hơdră anai dŏ brơi ƀuh, boh tŭ yua hăng anŏ gêh găl amăng bruă pơjrao duăm ruă ƀơi plơi pla, yua dŏ kơƀah mơnuih thâo bruă gah ia jrao hăng anih pơjrao, biă mă ñu lơ̆m tơdơi kơ pơmut glăi sang bruă kơnuk kơna dua gưl.