Lâm Đồng man pơdong 2 boh sang hră kơnuk kơna čem rông ba kual giăm guai amăng thun 2025
Thứ ba, 11:34, 28/10/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Ngă tui tơlơi črâo trun mơng Ping gah hăng Kơnuk kơna amăng pơđĭ kyar pơtô pơjuăt kual giăm guai, tơring čar Lâm Đồng glăi pơgiong bruă prap lui kiăng man pơdong 2 amăng 5 boh sang hră amăng thun 2025 anai.
Tơring čar Lâm Đồng hơmâo 5 boh să giăm guai anun lĕ Tuy Đức, Quảng Trực, Thuận Hạnh, Thuận An hăng Đắk Wil. 5 boh să ră anai hơmâo 47 anih pơtô hrăm hăng 39 boh sang hră kơnuk kơna man pơdong, 5 boh sang hră mơnuih ƀôn sang man pơdong.
Tui yă Lê Thị Bích Liên-Khua gơnong bruă pơtô pơjuăt tơring čar Lâm Đồng, hơmâo laih 2 să giăm guai, anun lĕ să Thuận An hăng Quảng Trực glăk gir run prap lui hơdôm tơlơi gal hăng amra man pơdong mơtăm amăng thun 2025 anai. Rĭm boh sang hră prong 30 anih pơtô, pơhlôm pơtô brơi giăm 1.000 čô čơđai. Hơdôm ring bruă anai čang rơmang amra djru brơi ƀing čơđai kual giăm guai hơmâo anih dŏ, anih hrăm hơđong, pơgôp pơđĭ kyar mơnuih mă bruă hăng hơkrŭ wai pơgang guai lŏn ia.
Viết bình luận