VOV.Jarai-Lơ 15/3, pơ anăp, abih bang mơnuih ƀôn sang ruah khua amăng dêh čar amra nao plĕ hră ruah khua pơ ala mơnuih ƀôn sang dêh čar tal XVI hăng ruah khua pơ ala mơnuih ƀôn sang djop gưl pơyŭ, rơwang bruă thun 2026-2031. Ƀơi Dak Lak, hơdôm hrơi hăng anai, bruă prăp lui ruah khua hlăk lar hyu mơ̆ng plơi prong truh pơ plơi pla ala ƀôn. Bruă mă hyu pơtô lăi, pôr pơthâo bruă ruah khua pok pơhai djop anih, djru mơnuih ƀôn sang hơmâo anăn dưi plĕ hră ruah khua thâo rơđah tơlơi dưi, bruă khom ngă mơ̆ng pô ta laih anun hơdor glăi hrơi čih pioh gru kơđŏm yom pơphăn.

VOV.Jarai- Ƀơi să Tây Hòa, kông ang tơring čar Dak Lak pơphun jao sang brơi hơdôm boh sang anŏ hơmâo sang glưh răm rai yua hơjan kơthel, sit nik pơgiong “Hơdră ngă bruă tui Quang Trung”.

VOV.Jarai-Ngă tui akŏ bruă jao “Bruă mă Quang Trung” man pơdong phrâo, ming pơkra glăi sang kơ mơnuih ƀôn sang kual ia ling dăo, Khul tơhan Lữ đoàn Đặc công 198 dưi hơmâo Anom bruă tơhan blah kơtang gah Ding jum ling tơhan jao man pơdong 18 boh sang kơ mơnuih ƀôn sang ƀơi plơi Phú Phong, să Hòa Thịnh, tơring čar Dak Lak hơmâo sang dlưh abih ƀhiao. Hăng bruă ngă hmar, khut khăt hloh, tơdơi kơ rơbêh 1 blan pok pơhai, 5 boh sang man pơdong giong laih, hơdôm boh sang dŏ glăi hlăk man pơdong, ming pơkra ƀiă giong laih mơ̆n, khul tơhan Lữ đoàn gir run hloh kiăng ngă giong tañ bruă jao anai.

VOV.Jarai - Jơlan hơdră dêh čar pơtrun đĭ kyar bơwih ƀong huă - mơnuih mơnam kual mơnuih djuai ƀiă hăng čư̆ siăng yua Khua mua pơ ala mơnuih ƀôn sang dêh čar pơtrun glăk pơtrut anŏ tŭ yua lăp hơdor biă mă ƀơi tơring čar Dak Lăk, mơ̆ng anih anom, jơlan nao rai, djru pơkra gơnam, răk pioh gru grua hiam truh kơ bruă ia jrao - pơtô hrăm. Hơdôm hrơi anai, boh tŭ yua jai rơđah tui lơm hơdôm kơčăo bruă pơtruh pơjing nua kơphê sit nik hơmâo boh tơhnal, hăng rơdêh nao rai pơgiăng kơphê pơtrui mơ̆ng hmua ba nao pơ anih pơkra. Pơtruh nao rai amăng bruă pơgang, djru ba hăng pô krăp lăng mơ̆ng Kơnuk kơna, găn rơgao mrô jŭ yap boh tŭ yua bơwih ƀong, anăp nao gum pơgôp kjăp tui hăng đăo kơnang amăng plơi pla kơtang tui.

VOV.Jarai-Lơ 5/1, khul tơhan pôlih blah hơdeč, Ding jum kông ang gum hrŏm sang krư̆ mơnă mrô 3, kông ang tơring čar Lâm Đồng hăng Jơnum min mơnuih ƀôn sang phường Hàm Thắng pơphun ngă lơphet mut dŏ sang phrâo amăng “Hơdră bruă Quang Trung”.

VOV.Jarai-Khua mir sir kĭ hră pơtrun kơ bruă ƀơk gơnam kơ mơnuih ngă hơkrŭ kơ lŏn ia ƀrô bơyan ngă yang thun phrâo ƀong têt Bính Ngọ 2026.

VOV.Jarai-Mơguah (4/1), ƀơi plơi Phú Hữu, să Hòa Thịnh, anom bruă git gai tơhan Quân khu 5 gum hrŏm hăng tơring čar Dak Lak pơphun mông ngă lơphet mă yua hăng jao 96 boh sang amăng “Hơdră ngă bruă tui Quang Trung”, sang hơmâo jao brơi hơdôm boh sang anŏ hơmâo sang glưh răm rai yua hơjan ia ling dăo rơnuč thun 2025.

VOV.Jarai-Khul pơlir mơnuih mă bruă ƀôn prong Đà Nẵng prap lui ƀơi gơnam Tết Bính Ngọ thun 2026 hăng djru brơi wĕ đĭ rơdêh brơi mơnuih mă bruă tơnap tap glăi pơ plơi pla ƀong tết.

VOV.Jarai-Hơdôm hrơi bơyan yan blan 8 thun 1945, tong krah kual glai rưng Việt Bắc, ƀơi đình Tân Trào, Khua mir sir Hồ Chí Minh hơmâo pơtum pơƀut Jơnum khua mua đơ đam dêh čar Tân Trào kiăng akŏ pơjing Kơnuk kơna phrâo, git gai hơdôm tal ngă hơkrŭ mơng mơnuih ƀôn sang Việt Nam. Jơnm khua mua đơ đam dêh čar Tân Trào mơng lơ 16-17/8/1945 ƀu djơ̆ kơnong lĕ jơnum ngă pơplih amăng ngă hơkrŭ ƀơi Việt Nam đôč ôh mơ̆ ăt lĕ tơlơi kơđŏm glăi anai lĕ hơdră bruă blung a mơng anom bruă pơ ala kơdrưh ang mơng mơnuih ƀôn sang-anai lĕ akŏ mơng Ƀirô Khua pơ ala mơnuih ƀôn sang dêh čar Việt Nam ră anai. Mơng Tân Trào, tơlơi pơmĭn “Mơnuih ƀôn sang lĕ phun”, “Kơdrưh ang kơ mơnuih ƀôn sang” jing atur, jing hrĕ mriah tô nao rai amăng djop rơnuk pơjing Kơnuk kơna Việt Nam rơngai, ngă pô, yua kơ mơnuih ƀôn sang.

VOV.Jarai - Ƀơi tơring čar Khánh Hòa, Ding jum Kông an pơphun Jơnum pơtô bruă pôr pơhing, pơhlom pơgang tơlơi truh lŏn adai ngă hăng jơnum pơčrông “Bruă mă Quang Trung”, pơtrut tañ bruă man pơdong, pơkra glăi sang dŏ djru neh wa kual ia ling dăo tañ hơđong tơlơi hơdip.