Tơring čar Dak Lak ră anai, hơmâo 34 boh ƀut pơsat dor tơhan djai pơsăn drơi hăng rơbêh 15.200 boh akŏ pơsat; amăng anun rơbêh 4.100 boh akŏ pơsat hơmâo pơtong laih anăn hăng rơbêh 4000 akŏ pơsat kiăng mă meh ba pơčrang bơwih brơi kơ bruă pơčrang AND.

Hrŏm hăng anun, tơring čar kiăng pơtong glăi 584 kual hơmâo tơlơi pơhing lăi ƀuh pơsat tơhan pơsăn drơi aka rŭ kuai, hăng 6000 boh akŏ pơsat kiăng pơsit glăi anăn. Lu tơhan kơnuk kơna, nao sem lăng ƀơi 79 boh să, phường, pơsit 90 tơlơi pơhing kiăng rŭ kuai mă hơmâo 7 per tơlang tơhan pơsăn drơi. Ƀơi dêh čar Kur, bơyan phang laih rơgao, Grup K51 hơmâo rŭ kuai 27 per tơlang tơhan pơsăn drơi. Ră anai, Dak Lak pơtrut hmar hloh brơi rŭ kuai 180 per tơlang tơhan pơsăn drơi hăng ngă giong mă meh ba pơčrang hăng 4.019 akŏ pơsat aka ƀu thâo anăn krăn pô amăng thun 2026.