VOV4.Jarai - Tui hăng tơlơi rơkâo, rim čô mơnuih amra hơmâo 23 klăk prăk dưm dưm hăng 10 blan prăk blan pơkă aset biă mă khŏm hơmâo.

VOV4.Jarai-Lơ 16/6, Khua git gai pơ ala mơnuih ƀôn sang dêh čar ơi Trần Thanh Mẫn kĭ pơsit 34 pok hră pơtrun mơ̆ng Khua mua apăn bruă phun pơ ala mơnuih ƀôn sang dêh čar kơ bruă dăp glăi anom bruă kơnuk kơna gưl să ƀơi 34 boh tơring čar, ƀôn prong.

VOV4.Jarai - Tŏ tui jơnum lok 9, rơwang hrơi tơjuh rơgao, Khua mua pơ ala mơnuih ƀôn sang bơkơtuai kơ Kơčăo bruă dăp glăi anom bruă kơnuk kơna gưl tơring čar thun 2025. Ƀing khua pơsit, pơmut hrŏm tơring čar jing bruă kơđŏm gru, pok rai anih đĭ kyar phrâo. Khă hnun, kiăng hơdôm boh tơring pơtrut tui tơlơi gêh gal, mă bruă tŭ yua tơdơi kơ pơmut hrŏm, kiăng hơmâo hơdră ngă bruă djơ̆ tơhnal, abih bang, biă ñu bruă ruah mơnuih ngă khua hăng mă yua gơnam tam prăk kăk rơbêh tơdơi kơ pơmut hrŏm.

VOV4.Jarai - Anăp nao Blan mă bruă yua kơ čơđai muai thun 2025, čơtlăm kơ 10/6, Kông ang tơring čar Gia Lai hmâo pơphun jơlan hơdră bưp ƀô̆ mơta 28 čô čơđai “ană rông”, “ană lăng ba” mơ̆ng khul ling tơhan.

VOV4.Jarai - Ƀơi tơring čar Gia Lai, mơ̆ng akŏ thun anai bruă lŏm lui sang dŏ tơ̆i, sang phô̆ hơmâo pơphun ngă tañ ƀơi djŏp anih amăng tơring čar, hơmâo tơlơi git gai khut khăt mơ̆ng ping gah, gong gai djŏp gưl. Tơdơi kơ 6 blan, tơring čar hơmâo pơphun ngă 7.631 boh sang, jing hơmâo 93,57% pơhmu hăng mrô pơkă. Hơmâo laih 5.244 boh sang pơkra giong, jao glăi hăng đĭ dŏ. Tơlơi git gai mơ̆ng djŏp gưl ping gah, anom bruă ping gah hăng pran jua hur har nao hlâo ba jơlan mơ̆ng ƀing khua, mơnuih ping gah jing tơlơi yôm phun ngă truh kih jơlan hơdră anai.

VOV4.Jarai-Truh ră anai, tơring čar Kon Tum hơmâo jao giăm 2.000 boh sang phrâo brơi mơnuih ƀôn sang, pơgôp djru brơi hơdôm rơbâo boh sang anŏ ruh pơkra glăi sang dŏ jang jai, sang tơ̆i phŏ.

VOV4.Jarai-Rơwang hrơi tơjuh laih rơgao, Jơnum min apăn bruă phun pơ ala mơnuih ƀôn sang dêh čar jơnum lok 46, pơgôp hiăp kơčăo bruă čih pơkra tơlơi phiăn, amăng anun tơlơi phiăn pơphun bruă mă gong gai kơnuk kơna ƀơi tơring čar hăng să iâu klah čun gong gai plơi pla čih pơkra glăi; tơlơi phiăn pơkă bruă mă kơ khua mua, mơnuih apăn bruă čar čih pơkra glăi hăng hơdôm boh yom phun pơkŏn. Amăng anun, hơmâo hơdôm tơlơi mơnuih ƀôn sang ruah khua đing nao, hơmâo tơlơi phiăn pơphun bruă mă kơ kơnuk kơna gong gai plơi pla čih pơkra glăi, kiăng anăp nao pơpha bruă mă, jao tơlơi dưi kơ gong gai plơi pla tong ten hloh.

VOV4.Jarai-Bơyan pơdơi prong thun 2025 ƀơi Gia Lai, hơdôm gơnong bruă bơdjơ̆ nao đing nao biă mă kơ bruă pơtrut pơsur djru brơi gơnam tam hăng juh alum pran jua kơ ƀing čơđai sang hră ƀun rin, ƀing čơđai djuai ania ƀiă kiăng ƀing čơđai tŏ tui jơlan gah yak nao kjăp amăng bruă hrăm hră.

VOV4.Jarai - Čơtlăm lơ 2/6, Khua dêh čar ơi Phạm Minh Chính git gai Jơnum pok pơhai Tơlơi pơtrun pơsit 201 mơ̆ng Khua pơ ala mơnuih ƀôn sang kơ pơphôm hơdră pơkă, hơdră bruă pơđĭ kyar sang dô̆ mơnuih mơnam.

VOV4.Jarai - Amăng jơlan hơdră tal jơnum lok 9, Khua pơ ala mơnuih ƀôn sang dêh čar ta tal 15, ƀing khua pơ ala mơnuih ƀôn sang bơkơtuai ƀơi Grŭp kơ Hră čih Tơlơi pơtrun pơsit mơ̆ng Khua pơ ala mơnuih ƀôn sang dêh čar kơ djru prăk hrăm kơ čơđai anet, čơđai sang hră 3 gưl, mơnuih hrăm ƀơi hơdôm anih pơtô brơi abih anih 12 ƀơi hơdôm sang hră pơtô amăng dêh čar ta. Lu Khua pơ ala mơnuih ƀôn sang pơtŏng sit, anai lĕ hơdră bruă pơdah pran jua ană mơnuih thâo khăp, tơlơi đing nao mơ̆ng bruă gum djru, pơhlôm dưm kơnar amăng bruă pơtô pơhrăm. Khă hnun hai, kiăng pơsit tŏng ten bruă ngă dưm kơnar ngăn drăp mơ̆ng hơdôm bôh anih anom, biă ñu anih anom tơnap tap lơm pok pơhai Tơlơi pơtrun pơsit anai.