Truh ră anai Sang hră kơnuk kơna čem rông ba pơlir gưl I hăng II ƀơi să Quảng Trực bruă man pơdong gong tơmeh phun hơmâo pơgiong giăm 95%, bruă pơgiong abih giăm 30%. Hăng hơdôm akŏ bruă man pơdong sang hră kơnuk kơna čem rông ba gưl I hăng gưl II ƀơi să Thuận An hơdôm anih khăng hơmâo pơgiong 90%, hơdôm anih man pơkŏn giăm 65% hăng man pơkra abih bang giăm 30%.

Kiăng pơhlôm akŏ bruă ngă tañ hơdôm anom bruă man pơdong hơmâo pơhlôm lu mơnuih mă bruă, gơnam măi mok, pơhrua hrơi mông ngă bruă hăng pok pơhai ha amăng plĕ lu bơnah. Hơdôm anih djru brơi bruă pơtô hrăm hăng hơdôm anih amra bơdjơ̆ nao amăng bơyan hơjan hlim amra đing nao man pơkra hlâo.