Bruă ngă 500 hrơi mlam: Gia Lai pơčrang čơđeh thâo anăn krăn pô tơhan pơsăn drơi kơ lŏn ia
Thứ năm, 11:08, 02/07/2026
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV.Jarai-Amăng hrơi mông mă bruă tơnap tap, yua thun blan blah wang rơgao sui laih hăng črăn tơlang tơleh ƀing pơsăn drơi jăn phŏ abih, ƀing tơhan hyu mă brua ngă tui tơlơi jak iâu “500 hrơi mlam” ƀơi Gia Lai ăt hlăk dŏ gir run mă bruă, hyu kuai, duñ ba, djă pioh, pơčrang čơđeh meh tơlang tơhan djai pơsăn drơi, kiăng thâo anăn, krăn pô.
Mơ̆ng hrơi pơphun bruă mă, kơnôl 30/6, đơ đam tơring čar Gia Lai hơmâo mă meh čơđeh tơlang 748 čô tơhan pơsăn drơi, kiăng ba pơčrang AND; mrô meh tơlang djop anŏ pơkă năng ai kơnong 48% đôč, hlăk hơduah ĕp, rŭ kuai dơ̆ng hơmâo 10 per tơlang.
Đại tá Phạm Văn Đạt, Kơ-iăng khua ping gah sang bruă khua tơhan tơring čar Gia Lai brơi thâo, hơdôm khul ling tơhan ngă hrŏm bruă anai, ăt hlăk pơtum mă bruă, kiăng ngă giong tơhnal bruă jao, djru ngă kiăng tañ pơsit thâo anăn krăn pô tơhan pơsăn drơi aka ƀu thâo krăn pô mơ̆ng hlâo, đah mơ̆ng ngă plai ƀiă tơlơi dŏ tơguan, čang rơmang mơ̆ng sang anŏ, phung wang hăng anăp nao či hơdor glăi 80 thun hrơi pioh kơ tơhan rơka rơkač hăng mơnuih djai pơsăn drơi jăn kơ lŏn ia.
Viết bình luận