6 blan akŏ thun anai, tơlơi bơwih ƀong huă-mơnuih mơnam Gia Lai ăt djă bong rơnoh pơđĭ kyar kơjăp. Prăk pơhrui jia kơ kơnuk kơna hơmâo 16.500 klai, đĭ hloh 20% pơkă hăng tal anai thun hlâo.

Đơ đam tơring čar hơmâo pơhưč 165 kơčăo bruă tuh pơ alin phrâo hăng rơnoh prăk rơkâo čih anăn tuh pơ alin truh 165.000 klai. Hơdôm bruă mă gah gru grua thâo thăi, pơtô hrăm, bruă ia jrao, pơblih yua mrô, pơblih hơdră ngă hră pơar, hơđong tơlơi hơdip mơda kơ mơnuih ƀôn sang ăt dưi đing nao lu hloh; bruă pơgang tơlơi rơnuk rơnua hơđong lŏn ia ăt dưi kơjăp. Jơnum amăng 2 hrơi, jơnum lok anai, khul pơ ala mơnuih ƀôn sang tơring čar Gia Lai sem lăng 51 mơta boh yom phun, amăng anun lu hră pơtrun yom kơ jơlan hơdră prăk kăk-kông ngăn kơnuk kơna, tuh pơ alin kơ bruă čar, pơkă hnơ̆ng man pơdong, wai lăng lŏn tơnah, pơblih tơhnal ba yua lŏn tơnah, jơlan hơdră tơhnal pơkă mơ̆ng dêh čar djru, biă mă ñu pơblih ming pơkra glăi pơkă hnơ̆ng tơring čar Gia Lai man pơdong mơ̆ng thun 2021-2030, lăng nao pơ anăp adih 2050.