Grup hyu mă bruă hơmâo nao ĕp lăng hơdră dŏ mă meh čơđeh tơlang, gơnam yua mă bruă, hơdră djă pioh pơgang lui laih anun čih anăn amăng hơdrôm hră. Laih dơ̆ng, hmư̆ Khul git gai mrô 515 tơring čar Gia Lai hrŏm hăng ƀing khua mua, tơhan dŏ mă bruă lăi pơthâo boh tơhnal pok pơhai ngă bruă, anŏ gêh găl hăng tơlơi tơnap tap lơ̆m dŏ ngă bruă.

Pơsat dor tơhan djai pơsăn drơi jăn să Đưk Kơ, dŏ lu akŏ pơsat aka ƀu thâo anăn krăn pô. Bruă mă meh tơlang ba pơčrang tal anai yom biă mă kiăng sem lăng AND, đah mơ̆ng pơsit anăn, krăn pô tơhan djai pơsăn drơi jăn yua kơ lŏn ia. Giong nao ĕp lăng, Thiếu tướng ơi Lương Đình Chung čih pioh hăng bơni pran jua mă bruă mơ̆ng ƀing ngă bruă amăng hrơi blan mơ̆ ayuh hyiăng adai pơđiă hơjan tơnap tap laih anun bruă kiăng ngă tong ten tui tơlơi pơčrâo. Ñu rơkâo djop gưl sang bruă ping gah, gong gai kơnuk kơna plơi pla jŭ yap glăi abih, sem lăng anăn, tơlơi pơhing mơ̆ng djop puih kơđông ling tơhan, pơtrut bruă pơtô pơblang ană plơi pla thâo, ĕp tơlơi pơhing mơ̆ng ƀing tơhan hơđăp pioh djru pơtong glăi anăn tơhan djai pơsăn drơi jăn yua kơ lŏn ia.