Jơlan hơdră anai pơsit brơi tơlơi pơtrun mơ̆ng Ping gah hăng Kơnuk kơna kơ pơđĭ tui tơlơi rơgơi pơgang hlom hlâo tơlơi truh lŏn adai ngă, pơhlom rơnuk rơnua kơ mơnuih ƀôn sang ƀơi anăp tơlơi truh, tơlơi răm ƀăm jai hrơi kơtang yua lŏn adai ngă, laih dong pơkra kjăp tui anih anom bơwih brơi tơlơi hơdip mơnuih ƀôn sang.

Tui hăng akŏ bruă, črăn sa amra tuh pơ alin man pơdong 100 boh sang pioh či pơgang hơjan kơthel ia dăo hai ƀơi 27 boh să, phường. Rim boh sang prong năng ai 220m2, anih hơmâo mă yua rơbêh 440m2, hơmâo 2 gưl, pơkra hăng pơsơi kuăt, bê tông kjăp hăng atur dưi pơgang ia dăo. Hơdôm boh sang anai amra pơkra giong hlâo kơ kơnôl 15/9/2026, đah mơ̆ng hmao mă yua hlâo kơ bơyan hơjan kơthel thun anai./.