VOV4.Jarai – Mơguah tom brơi (26/4), ƀơi Anom bruă bôh thâo mơnuih mă bruă giăng mah Việt – Xô glăk pơphun ngă Lơphet lăi pơthâo Blan mă bruă pơhlôm hơdjă amăng bruă mă hăng Blan mơnuih mă bruă kơ sang bruă thun 2024.

VOV4.Jarai-Hơdôm khul bruă, pơđĭ tui rơnoh pơhrui glăi, tơlơi hơdip mơda mơnuih ƀôn sang mă bruă jing boh yôm phun dưi hơmâo mơnuih ƀôn sang ruah khua ƀơi plơi prong Ƀuôn Ma Thuột rơkâo đĭ amăng mông khua mua pơ ala mơnuih ƀôn sang dêh čar ƀơi tơring čar Dak Lak nao bưp mơnuih ƀôn sang ruah khua.

VOV4.Jarai – Thiếu tá Hoàng Tiến Dũng (42 thun), mơnuih mă bruă gah khul tơhan Grŭp git gai Khul ling tơhan plơi prong Buôn Hồ (Dak Lak) ƀu pơdơi hrăm tui, kơsem min, pơčeh phrâo ngă giong bruă jao. Hăng tơlơi hor kơ hơdră mă yua măi mok pôr pơhing, ñu hmâo čih tơbiă laih anăn “Wai lăng bruă phao kơtuang”, “Wai lăng ngă hră nao ngă tơhan hăng mơnuih amra nao ngă tơhan”. Hơdôm anăn pơjing hăng mă yua, yua kơ ñu hăng ƀing gŏp pơčeh pơkra hmâo laih hăng glăk dưi mă yua hyu prong amăng bruă mă, djru pơđĭ tui bôh tơhnal bruă pơgang lŏn ia.

VOV4.Jarai - Mơguah lơ 23/4, pơgôp hiăp blung a kơ hră lăi pơthâo bruă krăp lăng “Bruă ngă tui tơlơi pơtrun, tơlơi phiăn kơ pơhlôm hơđong, rơnuk rơnua jơlan nao rai mơ̆ng thun 2009 truh abih thun 2023”, Jơnum min apăn bruă phun pơ ala mơnuih ƀôn sang kiăng: Pơƀut djŏp tơlơi hơmâo či tuh pơ alin, pơđĭ kyar jơlan nao rai; brơi prăk kăk ming pơkra glăi jơlan prong hăng pơsir hĭ hơdôm anih juăt hơmâo tơlơi truh.

VOV4.Jarai - Mơguah lơ 22/4, ƀơi plơi prong Điện Biên Phủ, tơring čar Điện Biên, Khul ia jrao kyâo bơrơkal mriah Việt Nam ngă hrŏm hăng Jơnum min mơnuih ƀôn sang tơring čar Điện Biên pơphun Blan djru khăp pap gưl dêh čar thun 2024 hăng akŏ bruă “Bruă djru khăp pap - Brơi, tŭ mă tơlơi khăp ƀu-eng”.

VOV4.Jarai – Dong mơng thun 2016, Grŭp mă bruă Ping gah tal XI mơ̆ng Ping gah plơi prong Plei Ku (tơring čar Gia Lai) mă yua Tơlơi pơtrun pơsit 06 pioh pơđĭ glông tơlơi hơdip mơda mơnuih ƀôn sang ƀơi hơdôm bôh plơi neh wa djuai ania ƀiă nao hrŏm hăng pơlar anom mă yua djơ̆ hăng phiăn juăt bôh thâo đưm, pơjing gru pha ra ha jăn mơ̆ng plơi pla djuai ania ƀiă ƀơi plơi prong. Kiăo tui anun, plơi prong Plei Ku hmâo mă yua prăk kơ hơdôm bôh plơi djuai ania ƀiă rơbêh kơ 50 klai prăk pioh ngă giong jơlan nao rai, pla glăi kơphê, djru hơdôm bôh sang anô̆ ƀun rin, ƀun rin ƀơƀiă hăng yua prăk ngă giong hơdôm hơdră pơkă kơ bôh thâo đưm, pơgang bruă mă đưm.

VOV4.Jarai - “Khŏm ngă tui tơlơi pơkôl pơhlôm hơdôm Tơlơi pơtrun hơmâo djŏp tơlơi pơkă mơ̆ng Tơlơi phiăn lŏn tơnah, laih dong pơhlôm hơmâo djŏp tơlơi pơkă kiăng Tơlơi phiăn lŏn tơnah thun 2024 tañ mă yua”. Anai jing tơlơi kiăng mơ̆ng Kơ-iăng khua dêh čar ơi Trần Hồng Hà ƀơi mông jơnum hăng Ding jum kông ngăn lŏn mơnai hăng ayuh hyiăng wơ̆t hăng hơdôm ding jum, anom bruă bơdjơ̆ nao kơ bruă čih pơkra hră pơ-ar pơkă rơđah rơđông bruă mă yua Tơlơi phiăn lŏn tơnah thun 2024 pơphun amăng rơwang hrơi tơjuh rơgao.

VOV4.Jarai-Phrâo rơgao, ƀơi Ƀirô Khua pơ ala mơnuih ƀôn sang dêh čar pơphun jơnum klah čun bruă mă mơng khua pơ ala mơnuih ƀôn sang thun 2023, pok pơhai bruă jao thun 2024. Khua git gai pơ ala mơnuih ƀôn sang dêh čar ơi Vương Đình Huệ nao jơnum. Ơi Vương Đình Huệ rơkâo, djop khul Khua pơ ala mơnuih ƀôn sang, rĭm čô khua mua kiăng ngă tui boh than dưi ngă, tŏ tui pok prong, hơmâo lu dong bruă mă, hrưn đĭ klă dong amăng bruă mă mơng Khua pơ ala mơnuih ƀôn sang.

VOV4.Jarai – Lơ 12/4, Anom bruă Gong gai dêh čar ta phrâo hmâo hră pơ-ar lăi pơthâo glăi tơlơi gum pơhiăp črâo ba mơ̆ng Khua dêh čar kơ bruă pơplih hrơi mă bruă tal pơdơi lơphet hrơi tlaih rơngai lơ 30/4 hăng hrơi Jar kơmar mă bruă 1/5 thun 2024.

VOV4.Jarai – EVNCPC hmâo črăo ba laih hơdôm anom bruă đing nao abih bang mơnuih mă bruă, pok pơhai khut khăt hơdôm bruă kơtưm pơkĕ apui yua hơđong kơ mơnuih mă yua.