VOV.Jarai - Tơdơi kơ 1 wơ̆t hrơi tơjuh iâu pơthưr, Khul pơphun ngă Jơlan hơdră pơpŭ kơ tơhan djai pơsăn drơi kơ lŏn ia thun 2026 hăng anăn “Iâu anăn pơpŭ jă yua kơ lŏn ia” hơmâo mă 266.863.414 prăk mơ̆ng hơdôm khul grup, anom bruă, mơnuih mơnam djru ba mơit amăng mrô pioh prăk djru khăp pap 2707 - Sang bruă prăk Sĭ mơdrô pơčruh ngăn Ling tơhan (MB).

VOV.Jarai - Tơring čar Quảng Ngãi glăk dăp, pơƀut glăi plơi pla đah mơ̆ng hơbôt ƀiă, wai lăng klă tui. Khă hnun, ƀơi hơdôm plơi pla čư̆ siăng, bruă dăp glăi hơmâo jŭ yap tong ten đah mơ̆ng djơ̆ hăng tơlơi kiăng rơnuk phrâo, lăp djơ̆ hăng tơlơi hơmâo wơ̆t hăng tơlơi hơdip mơda mơnuih ƀôn sang.

VOV.Jarai-Dak Lak lĕ sa amăng hơdôm tơring čar amăng dêh čar tañ pok pơhai ngă tui Hră pơtrun mrô 72-NQ/TW mơ̆ng ding jum kơđi čar kơ hơdôm jơlan hơdră pơblih kơtang kiăng pơgang ba, wai lăng hăng pơđĭ tui tơlơi suaih pral kơ mơnuih ƀôn sang.

VOV.Jarai-Tlam kơnôl 17/6, git gai Jơnum Khul git gai pok pơhai hơdôm bruă pioh hơdor glăi 80 thun hrơi tơhan rơka-tơhan djai pơsăn drơi, Khua apăn bruă Ping gah, Kơ-iăng Khua dêh čar yă Phạm Thị Thanh Trà rơkâo: Ngă tañ bruă hyu ĕp tơlang tơleh tơhan djai pơsăn drơi, pơgiong hơdră djru brơi mơnuih djru hơkrŭ anăp nao 80 thun pioh hơdor hrơi tơhan rơka-tơhan djai pơsăn drơi (27/7/2027).

VOV.Jarai-Hăng bruă ngă ječ ameč hloh 90 hrơi mlam kiăng pơtrut tañ man pơdong 7 boh sang hră đôm lăm, kơnuk kơna čem rông dua gưl ƀơi giăm guai, tơring čar Gia Lai hlăk pơphun hmar hăng tañ biă mă kiăng pơpha bruă mă, iâu pơmut čơđai sang hră hăng pơphun bruă mă amăng sang hră phrâo jing anih kơnang, tơki djru ba čơđai sang hră ƀun rin ƀơi kual giăm guai dêh čar hơmâo tơlơi čang rơmang pơtô pơhrăm đah mŏng ĕp tơlơi thâo hră kơ pô.

VOV.Jarai-Tơring čar Quảng Ngãi phrâo ngă hră pơtrun akŏ bruă jao hyu ĕp, rŭ kuai tơlang tơleh tơhan djai pơsăn drơi jăn yua kơ lŏn ia amăng kual ter jơlan Trường Chinh gah phường Đak Kâm hăng phường Kon Tum.

VOV.Jarai - Xã Hòa Thịnh, tơring čar Dak Lăk phrâo man pơdong sang kơđap ia ling dăo blung a ƀơi plơi Phú Hữu, sa amăng hơdôm boh plơi glăm tơlơi truh kơtang hloh amăng tal hơjan ia dăo kơtang rơnuč thun 2025.

VOV.Jarai- Ƀơi mông jơnum lok 3, Jơnum min apăn bruă phun pơ ala mơnuih ƀôn sang dêh čar tal XVI hơmâo sem glăi lu boh yom phun pơdjơ̆ nao bruă čih pioh tơlơi pơgôp hiăp mơ̆ng mơnuih ƀôn sang, čih pơkra tơlơi phiăn, krăp lăng. Amăng anun, bruă pơđĭ tui boh tŭ yua amăng bruă pơsir tơlơi rơkâo mơ̆ng mơnuih ƀôn sang, hmao kru tŭ mă tơlơi kiăng mơ̆ng mơnuih ƀôn sang, tơlơi rơkâo hăng pơsir tŭ yua hơdôm tơlơi mơnuih ƀôn sang ruah khua rơkâo đĭ dưi pơtong rơđah sa bruă mă phun, djru hrŏm kơtưn tơlơi rô nao rai plah wah khua pơ ala mơnuih ƀôn sang hăng mơnuih ruah khua laih anun mơnuih ƀôn sang.

VOV.Jarai-Anăp nao tal hơdor glăi 80 thun hrơi tơhan rơka-tơhan djai pơsăn drơi (27/7/1947-27/7/2027) tơring čar Lâm Đồng glăk ječ ameč pok pơhai “Hơdră ngă bruă 500 hrơi mlăm pơtrut kơtang ngă tui bruă hyu ĕp, pơƀut glăi hăng ĕp brơi anăp tơlang tơleh tơhan”, hăng hơnong pơkă pơgiong bruă mă tơlang pioh pơčrang lăng, dưm pioh hăng jao tơlang pioh pơčrang hlâo kơ lơ 15/11/2026.

VOV.Jarai-Mơguah lơ 11/6, ƀơi Hà Nội, Khul sang bruă ia jrao kyâo bơrơkal mriah Việt Nam, jơnum ngă yang pơƀut bruă mă Blan ngă bruă yua Tơlơi khăp pap thun 2026 hăng akŏ ñu “80 thun-Jơlan hơdră djru tơlơi khăp pap yua kơ mơnuih ƀôn lan”.