Tui hăng anun, bruă hơduah ĕp, rŭ kuai mă tơlang tơleh amra ngă tui 3 črăn. Črăn sa mơ̆ng kơnôl 6/6 truh kơnôl 20/6, ƀing tơhan hyu mă bruă klơi luh, rŭ kuai ƀơi anih lŏn hong amăng đang pơsat dor tơhan pơsăn drơi či phường Đak Kâm hăng hyu sem lăng ƀơi črăn jơlan Trường Chinh, mơ̆ng sang mrô 206 truh pơ sang mrô 282. Črăn dua mơ̆ng kơnôl 21/6 truh kơnôl 25/7, pok pơhư prong tui anih hyu kuai mă ƀơi črăn jơlan dŏ glăi ter jơlan Trường Chinh amăng anih dŏ đing đăo hơmâo pơsat.

Črăn tal 3, mơ̆ng kơnôl 26/7 truh abih thun 2026, pơtum hyu ĕp lăng, rŭ kuai ƀơi hơdôm hyu ĕp phrâo dơ̆ng, yua  mơnuih ƀôn sang pơčrâo brơi, ƀing tơhan hơđăp djru hăng sang bruă kơnuk kơna lăi pơthâo. Lơ̆m  dŏ mă bruă khom ngă djơ̆ tơlơi pơtrun “tong ten dơ̆ hơpă, ngă dơ̆ anun, amuñ lĕ ngă hlâo, tơnap pioh tơdơi, sem lăng tong ten, tum teč ƀơ̆i”, pơhlom djơ̆ sit nik kiăng hơđong brơi mơnuih mă bruă, gơnam yua, ring bruă pơdjơ̆ nao anŏ man pơdong, rơnuk rơnua ƀơi jơlan glông. Hơdôm hrơi laih rơgao, Grup K53 hơmâo hyu klơi luh ƀơi akiăng, ter jơlan Trường Chinh, phường Đak Kâm. Hlâo kơ anun, Grup K53 hơmâo klơi sem lăng hlâo amăng đang pơsat tơhan pơsăn drơi gah phường Đak Kâm, kuai lăng 1000 m3 lŏn kiăng ĕp anih arăng dor ƀing tơhan pơsăn drơi jăn yua kơ lŏn ia, djru pơtong glăi rơđah tơlang tơleh ƀing tơhan pơsăn drơi jăn yua kơ lŏn ia.