Khul git ga mrô 515 tơring čar Lâm Đồng hơmâo akŏ pơjing 5 grup mă bruă kiăng pok pơhai mă tơlang, jao glăi tơlang tơleh tơhan ƀơi hơdôm boh pơsat aka ƀu thâo anăn amăng pơsat dor tơhan djai pơsăn drơi amăng tơring čar. Tơring čar Lâm Đồng ră anai hơmâo 12 boh pơsat tơhan, amăng anun 11 boh pơsat kiăng pơphun mă tơlang hăng jao tơlang tơleh pioh pơčrang ĕp tơlơi pơhing. Amăng hơdôm boh pơsat aka ƀu thâo anăn hơmâo arăng rơkâo mă tơlang ƀơi 4.845 boh pơsat.

Pơsat dor tơhan să Đức Linh hơmâo ruah lĕ anih pok pơhai blung a kơ bruă mă tơlang, jao glăi hăng dưm pioh tơlơi pơhing bơdjơ̆ nao tơlang tơleh tơhan kiăng kơ dưi pok prong amăng đơ đam tơring čar. Ƀơi anai, hơdôm anom bruă pơphun mă 55 tơlang, djă pioh, wai lăng sir hăng jao glăi tui tơlơi pơkă; laih dong pơphun dưm pioh tơlơi pơhing, pơmut tơlơi pơhing amăng anih wai lăng hăng pơčrang lăng ADN.