Rơbêh 266 klăk prăk djru kơ Jơlan hơdră “Iâu anăn pơtŭ jă yua kơ lŏn ia” pơpŭ kơ tơhan djai pơsăn drơi thun 2026
Thứ hai, 16:16, 22/06/2026
VOV/Siu H'Mai Pơblang
VOV/Siu H'Mai Pơblang
VOV.Jarai - Tơdơi kơ 1 wơ̆t hrơi tơjuh iâu pơthưr, Khul pơphun ngă Jơlan hơdră pơpŭ kơ tơhan djai pơsăn drơi kơ lŏn ia thun 2026 hăng anăn “Iâu anăn pơpŭ jă yua kơ lŏn ia” hơmâo mă 266.863.414 prăk mơ̆ng hơdôm khul grup, anom bruă, mơnuih mơnam djru ba mơit amăng mrô pioh prăk djru khăp pap 2707 - Sang bruă prăk Sĭ mơdrô pơčruh ngăn Ling tơhan (MB).
Anai jing bruă hơmâo Khul djru sang anŏ tơhan djai pơsăn drơi Việt Nam ngă hrŏm hăng Khul wai lăng kơčăo bruă Glông khăp pap mrô Dêh čar gah Sang bruă prăk Sĭ mơdrô pơčruh ngăn Ling tơhan (MB) pơphun ngă, kiăng iâu pơthưr abih bang mơnuih gum djru, pơčruh prăk đah mơ̆ng djru bruă pơpŭ, hyu ĕp, klơi mă, rŭ đĭ tơlang hăng pơsit anăn tơhan djai pơsăn drơi. Laih dong, hơmâo prăk či lăng ba sang anŏ tơhan djai pơsăn drơi, bang hyu prong hloh tơlơi pơmin “Mơñum ia hơdor kơ hơnoh, ƀong boh hơdor kơ pô pla” amăng mơnuih tơpuôl.
Viết bình luận