Dak Lak ĕp ƀuh 2 per tơlang tơleh tơhan djai pơsăn drơi tui tơlơi lăi pơthâo mơng mơnuih 96 thun
Thứ năm, 14:29, 09/07/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Grup K51, anom bruă git gai ling tơhan tơring čar Dak Lak phrâo blơi mă 2 per tơlang tơleh tơhan djai pơsăn drơi jăn ƀơi kual kơčong čư̆ Hòn Ông, să Tây Sơn.
Bruă dưi ĕp ƀuh yua tơlơi lăi pơthâo mơng ơi Sô Hỗn, 96 thun, mơnuih ngă tơhan amăng rơnuk blah ayăt Mi lăi pơthâo. Tui ñu hơdor glăi, lu mơnuih djai lơm glăk pơjrao ƀơi Sang ia jrao Trúc Bạch rơwang thun 1968-1969 hơmâo dor ƀơi kual anai. Kiăng kơ nao tơl anih, ling tơhan hơmâo găn rơgao 5 km rôk tui jơlan amăng glai, čroh hnoh, đĭ čư̆ giăm 2 mông.
Tơdơi kơ hơdôm mông hyu ĕp, ƀing ling tơhan hơmâo ĕp ƀuh hăng klơi đĭ 2 per tơlang tơleh tơhan aka ƀu thâo anăn, ăt klon amăng adung hrŏm hăng lu gơnam yua. Anai lĕ tơlơi yôm mơng bruă hyu mă tơlơi pơhing mơng ƀing mơnuih dŏ hơdip djru brơi bruă hyu ĕp, klơi pơƀut glăi tơlang tơleh tơhan.
Viết bình luận