Jơnum ngui sâu riêng Dak Lăk thun 2026 hăng anăn “Sâu riêng Dak Lăk - Pơtruh nao ataih hloh” amra pơphun mơ̆ng kơnôl 15/8 truh kơnôl 2/9 pơ anăp, hơmâo 17 bruă mă, amăng anun hơmâo 2 bruă pôr pơhing hơmâo pok pơhai hlâo kơ mông jơnum. Ƀơi mông jơnum, ƀing khua ăt pơgôp hiăp ngă giong bruă iâu pơthưr djru, pôr pơhing hăng pơƀuh hyu đah mơ̆ng pơđĭ tui anŏ tŭ yua.

Ơi Đào Mỹ, Kơ-iăng khua Jơnum min mơnuih ƀôn sang tơring čar Dak Lăk kiăng djŏp anom bruă krăp lăng, ječ ameč ngă giong djŏp bruă djơ̆ hăng hrơi pơkă. Pơtrut pơsur sem lăng tong ten tơlơi rơgơi hăng tañ ngă giong bruă ruah sang bruă mơdrô, anom bruă gum ngă, pơhlom djŏp bruă hơmâo pơphun bơbruai, rơnuk rơnua, hmư̆ hing prong kơ mông jơnum ngui./.