Tơdơi kơ sem lăng anih ngă lơphet, bruă tŭ jum ƀing khua, pơhlom rơnuk rơnua, prăp rơmet ia jrao hăng hơdôm bruă pơkŏn dong djru hyu ĕp, klơi rŭ tơlang tơhan djai pơsăn drơi, Kơ-iăng khua dêh čar yă Phạm Thị Thanh Trà kiăng hơdôm anom bruă bơdjơ̆ nao sem lăng rơđah djŏp bruă mă. Tui hăng Kơ-iăng khua dêh čar yă Phạm Thị Thanh Trà, bruă ƀuh ha glông pơsat năng ai 25m, rơhaih 3m; mơ̆ng blung hơmâo ƀuh 5 per tơlang hrŏm hăng bơnal hla tăng, wơ̆t hăng lu tơlang ƀeh, pơčah ƀơi kual A mơ̆ng Đang bơnga Lê Thị Riêng jing yom biă mă, khă hnun bruă anai glăk jing bruă blung a đôč.

Mơ̆ng bruă sem lăng năng blung, Kơ-iăng khua dêh čar yă Phạm Thị Thanh Trà čang rơmang amra bang hyu djŏp mơnuih tơpuôl anŏ yom anŏ hiam mơ̆ng bruă hyu ĕp, duñ pơƀut tơlang tơhan; pơhưč pran jua ngă bruă mơ̆ng djŏp gưl anom bruă, ƀing kơhnâo kơhnăk, tơhan hơđăp, mơnuih hơdip amăng rơnuk blah wang đưm wơ̆t hăng mơnuih ƀôn sang dêh čar ta amăng bruă hyu ĕp, duñ pơƀut tơlang tơhan djai pơsăn drơi kơ lŏn ia./.