VOV4.Jarai- Mơguah lơ 8/3, Kơ-iăng khua dêh čar Trần Lưu Quang, git gai mông jơnum lăng nao rai hăng hơdôm boh tơring čar kơ bruă ngă tui jơlan hơdră tui hơnong pơkă dêh čar thun 2023 hăng 2 blan akŏ thun 2024, bruă jao, hơdră bruă akŏ phun pơ anăp anai.

VOV4.Jarai – Mơguah lơ 07/03, găh yŭ tơlơi git gai mơ̆ng Khua git gai wai lăng pơ ala mơnuih ƀôn sang dêh čar ta Vương Đình Huệ, Jơnum min apăn bruă Khua pơ ala mơnuih ƀôn sang dêh čar ta pơphun Jơnum đơ đam dêh čar tal dua pok pơhai tơlơi phiăn, tơlơi pơtrut pơsit mơ̆ng Tal jơnum lok 6 hăng Tal jơnum ƀu hmâo pơkă hlâo lok 5, Khua pơ ala mơnuih ƀôn sang dêh čar ta tal 15. Jơnum pơphun ƀơi Sang mă bruă Khua pơ ala mơnuih ƀôn sang hăng tô nao rai lăng mơ̆ng ataih truh 63 bôh tơring čar ƀôn prong amăng đơ đam dêh čar.

VOV4.Jarai – Čơtlăm lơ 6/3, ƀơi Sang mă bruă Khua pơ ala mơnuih ƀôn sang dêh čar, Kơ-iăng Khua git gai wai lăng pơ ala mơnuih ƀôn sang dêh čar ta Trần Thanh Mẫn git gai mông jơnum hmư̆ tơlơi lăi pơthâo glăi, lăi pơblang kơ hră čih Tơlơi phiăn hră pơgang gah mơnuih mơnam (pơplih pơkra)

VOV4.Jarai-Pơsit tong, pơplih ngă hră pơ-ar lĕ bruă phun kiăng kơ thâo tong ten ngă bruă djơ̆ pran mơnuih ƀôn sang, anom bơwih ƀong sĭ mơdrô, lu ƀon lan hơmâo bruă mă phara kiăng hrưn đĭ klă dong bruă anai. Mơng anun pơgôp pơjing bruă ngă hră pơ-ar jê̆ giăm, yua kơ mơnuih ƀôn sang.

VOV4.Jarai - Plơi prong Buôn Ma Thuột (Dak Lăk) hơmâo mă yua 3 klai 500 klăk prăk iâu pơthưr mơnuih rơgơi kơhnâo amăng bruă: Boh thâo măi mok pôr pơhing, ngă hmua hăng măi mok; bruă tuai čuă ngui, man pơkra plơi prong, čih pơkra - dưm dăp hơdră djru mơ̆ng kơnuk kơna.

VOV4.Jarai-Mơ̆ng akŏ thun truh ră anai, hơmâo rơbêh 600 boh sang bruă bơwih ƀong sĭ mơdrô čih anăn brơi ĕp mơnuih mut mă bruă apah ƀơi tơring čar, hăng mrô mơnuih kiăng truh 10 rơbâo čô mơnuih.

VOV4.Jarai-Ngă tui tơlơi git gai mơng Khua dêh čar, rơnuč rơwang hrơi tơjuh laih rơgao, ƀơi plơi prong Pleiku, tơring čar Gia Lai, Kơnuk kơna pơphun jơnum pơđĭ kyar bơwih ƀong huă-mơnuih mơnam pơlir hăng wai pơgang rơnuk rơnua, hơđong ƀơi kual Dap kơdư. Kơ-iăng khua dêh čar Trần Lưu Quang, Khua khul git gai, gum hrŏm kual Dap kơdư; Đại tướng Tô Lâm, Khua ding jum kông ang hăng Khua ding jum kơčăo bruă hăng tuh pơ alin Nguyễn Chí Dũng, Kơ-iăng khua khul git gai hăng gum hrŏm kual Dap kơdư, git gai hrŏm jơnum anai.

VOV4.Jarai - Tlam lơ 28/2, ƀơi sang bruă Kơnuk kơna, Kơ-iăng khua dêh čar Trần Lưu Quang git gai jơnum tal 1 Anom bruă git gai dưm dăp anom bruă kơnuk kơna gưl tơring glông, să rơwang thun 2023-2030. Him lăng tơdơi kơ dăp glăi amra hrŏ trun 633 anom bruă gưl tơring glông, să.

VOV4.Jarai – Đing nao thâo, hmâo kơčăo bruă pơtô pơhrăm, pơtô brơi dong mơnuih mơbruă pioh pơlar mơnuih mut Ping gah amăng hlăk ai prăp lui nao ngă tơhan lĕ bruă mă tŭ yua mơ̆ng lu gưl ping gah gong gai hơdôm anih anom amăng bơyan ruah mơnuih nao ngă tơhan thun anai, kiăng hmâo dong tơhan plơi pơgang mă pô, pơhlôm hlâo mơnuih mă bruă ƀơi plơi pla. Kơnang kơ tơlơi lăng ba anun, hmâo lu hlăk ai ư-ang dưi mut Ping gah hlâo kơ hrơi nao ngă tơhan thun anai, jing pran pơtrut hlăk ai tuh rơyuh pran jua kơ bruă pơgang, pơdŏng lŏn ia.

VOV4.Jarai - Hơdôm boh sang anŏ Việt jing sang anŏ tal dua ba glăi tơlơi khăp ƀu-eng - anun jing tơlơi pơmin mơ̆ng lu hlăk ai djuai ania Lao, Kur gum hrŏm jơlan hơdră “Sang anŏ Việt hăng čơđai sang hră gưl prong dêh čar Lao, Kur glăk hrăm hră ƀơi ƀôn prong Hồ Chí Minh” thun 2023 ƀơi mông jơnum pơtum bruă pơphun mơmot lơ 23/2 yua Jơnum min djŏp djuai ania mơnuih mơnam Việt Nam ƀôn prong Hồ Chí Minh.