Đại tướng Nguyễn Trọng Nghĩa hơdor bơni kơ Tơhan djai pơsăn drơi laih anun nao čuă tơhan hơmâo tơlơi ruă ƀơi Gia Lai
Thứ ba, 00:00, 28/04/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Ƀrô ngă lơphet 51 thun Hrơi pơklaih rơngai kual Dơnung, pơlir lŏn ia jing sa, lơ 27/4, Khua tơhan krên dên Đại tướng Nguyễn Trọng Nghĩa, Ding kơna Ding jum kơđi čar, Khua Anom bruă phun kơđi čar Khul tơhan mơnuih ƀôn sang Việt Nam nao čuh ñang hơ’ŭ kơ tơhan djai pơsăn drơi jăn kơ lŏn ia laih anun nao čuă sang anŏ hơmâo anăn kơnuk kơna djru ƀơi Gia Lai.
Ƀơi pơsat tơhan Quy Nhơn, tơring čar Gia Lai, Đại tướng Nguyễn Trọng Nghĩa hrŏm hăng ƀing khua mơ̆ng gơnong dlông kŭp akŏ hơ-ŭ kơ tơhan djai pơsăn drơi, hơdor bơni dlăm biă mă hăng tơhan djai pơsăn drơi kơ lŏn ia yua kơ tơlơi rơngai, mơai pô mơ̆ng Lŏn ia.
Tơdơi kơ nao čuh ñang, Đại tướng Nguyễn Trọng Nghĩa hrŏm hăng ƀing khua nao čuă sang anŏ tơhan hơmâo tơlơi ruă yua blah ayăt Prang hăng ayăt Mi, glăk dŏ hơdip pơ phương Quy Nhơn Nam. Khul khua nao čuă sang anŏ yă Nguyễn Thị Minh Tâm, sang anŏ yă Lê Thị Minh Tâm hăng sang anŏ ơi Phan Tiến./.
Viết bình luận