Amăng hrơi nao čuă, brơi gơnam, Đại tướng Nguyễn Trọng Nghĩa bơni kơ hơdôm bruă dưi ngă mơ̆ng Khánh Hoà amăng bruă iâu pơthưr lu mơnuih gum djru, lăng ba sang anŏ tơnap tap hơmâo anăn kơnuk kơna djru, mơnuih hơkrŭ lŏn ia, bang hyu tơlơi thâo pơmin “ƀong boh hơdor kơ pô pla, mơñum ia hơdor kơ hnoh”; kiăng Ping gah, gong gai tơring čar Khánh Hoà gir pơplih phrâo, pơđĭ tui boh tŭ yua bruă wai lăng ba mơnuih djru hơkrŭ lŏn ia, lăng anai jing bruă ngă re se mơ̆ng abih anom bruă kơđi čar. Laih dong, čang rơmang hơdôm sang anŏ gir găn rơgao tơnap tap, pơtrut tui gru ngă hơkrŭ, pran jua gum pơgôp, triang mă bruă đah mơ̆ng tañ hơđong tơlơi hơdip, hơdip jơnap hloh. ƀrô tal anai, Đại tướng Nguyễn Trọng Nghiã hăng grup mă bruă mơ̆ng Gơnong dlông hơmâo brơi 300 anung gơnam kơ mơnuih ngă hơkrŭ, djru lŏn ia ta, sang anŏ tơnap hơmâo anăn kơnuk kơna djru laih anun kông ñơn mă bruă tơnap tap./.