Lu khua lăng yom biă pran jua ngă bruă, tơlơi hơdeč hăng khut khăt mơ̆ng ƀing khua pơ ala, Kơnuk kơna amăng bruă tañ pơplih glăi prăk jia đah mơ̆ng pơklaih brơi anŏ tơnap kơ anom bơwih ƀong, laih dong hơmâo prăk pơhrui hơđong mơn kơ kơnuk kơna, anăp nao kiăng đĭ kyar kơtang.

Kơ rơnoh prăk pơhrui hơdôm pă kiăng duh jia, hơdôm tơlơi pơgôp hiăp kiăng jŭ yap tong ten kiăo tui phun atur pơtŏng glăi abih bang, pơhlom lăp djơ̆ laih anun bơkơnar plah wah hơjăn pô, anom bơwih ƀong, ăt kah hăng djơ̆ hăng rơnoh pơkă hrŏ trun laih prăk jia kơ mơnuih sang anŏ tơnap, glăk čem rông ba pô pơkŏn mơ̆ng ƀing ngă bruă ƀong prăk blan. Khua pơ ala Phan Đức Hiếu (Khul khua mơ̆ng Hưng Yên) kiăng pơkă rơnoh prăk pơhrui dưi lui mă jia aset biă ñu lĕ 1 klai truh kơ 3 klai prăk, jing mơ̆ng 1 klai ƀudah truh kơ 3 klai huăi kiăng duh prăk jia ôh, laih dong kiăng Khua mua pơ ala mơnuih ƀôn sang dêh čar pơsit rơđah rơnoh anai đah mơ̆ng plai ƀiă ngă tơnap đơi prăk apah jia kơ anom bơwih ƀong wơ̆t hăng anom bruă wai lăng./.