VOV4.Jarai - Hăng pran pơsit prong hăng pran jua “ƀu pioh hlơi lui lơi gah tlôn”, tơring čar Gia Lai glăi iâo pơhrui lu ngăn rơnoh pioh lŏm lui sang tơ̆i. Hơdôm rơbâo bôh sang kơjăp ƀơƀrư̆ pơ ala nao sang tơ̆i răm, glăk jing bơbung pơđao kơ hơdôm bôh sang anô̆ ƀun rin, sang anô̆ gah hơdră bruă, mơnuih djru ngă hơkrŭ đưm. Tơlơi pơphun bruă kơtang mơ̆ng abih bang glông bruă kơđi čar ƀu kơnong kơ djru pơplih tơlơi hơdip mơda ôh mơ̆ dô̆ pơsur, pơtrut hơdôm bôh sang anô̆ gir run hrưn đĭ dong.

VOV4.Jarai-Yap truh ră anai, đơ đam tơring čar Gia Lai hơmâo man pơdong hăng pơkra ming 2.092 boh sang tui jơlan hơdră ruh pơkra glăi sang dŏ jang jai, sang tơ̆i rơ̆i.

VOV4.Jarai-Anăp nao tal pơplông đơ đam dêh čar gum tơngan hrŏm “ruh pơkra glăi sang tơ̆i rơ̆i, sang dŏ jang jai”, lơ 6/3, ƀơi să giăm guai Thuận An, tơring glông Dak Mil, khul git gai ruh pơkra pơkra glăi sang dŏ jang jai, sang tơ̆i rơ̆i tơring čar Dak Nông pơphun man pơdong hăng pơphun bruă mă amăng đơ đam tơring čar.

VOV4.Jarai - Amăng hơdôm thun rơgao mơnuih apăn bruă tơhan, ling tơhan pơgang guai dêh čar tơring čar Kon Tum hmâo laih lu hơdră ba glăi bôh tŭ yua djru mơnuih ƀôn sang pơplih bruă mă pơđĭ kyar bơwih ƀong sang anô̆. Mơ̆ng akô̆ thun 2025 truh ră anai amăng glông guai dêh čar ataih 292km giăm hăng dêh čar Lao hăng Kur, ƀing apăn bruă tơhan, ling tơhan tơring čar Kon Tum glăi glăk gum tơngan hrŏm lŏm lui sang tơ̆i djru mơnuih ƀôn sang hơđong tơlơi hơdip mơda.

VOV4.Jarai-Tlam lơ 4/3, Grup hyu mă bruă mơ̆ng anom bruă khua git gai tơhan dêh čar gah Ding jum ling tơhan hơmâo naočuă, ƀơk gơnam laih anun jao glăi sang kơ sang anŏ ƀun rin, sang anŏ kơnuk kơna djru ƀơi tơring čar Dak Lak.

VOV4.Jarai-Amăng rơwang hrơi tơjuh rơgao, Khul apăn bruă Ping gah Ƀirô Khua pơ ala mơnuih ƀôn sang dêh čar rơwang thun 2020-2025 hơmâo pơphun Jơnum tal dua. Đĭ pơhiăp git gai mông jơnum, Khua git gai Ping gah Ƀirô Khua pơ ala mơnuih ƀôn sang dêh čar, Khua git gai pơ ala mơnuih ƀôn sang dêh čar ơi Trần Thanh Mẫn lăi pơtong tơlơi gơgrong mơng Ƀirô jai hrơi hrưn đĭ, pơsit lu bruă pơprong, djơ̆ pran mơnuih ƀon sang. Khua pơ ala mơnuih ƀôn sang ba glăi pran đăo gơnang, tơlơi čang rơmang mơng mơnuih ƀon sang hăng mơnuih ƀôn sang lêng kơ dŏ tơguăn hơdôm bruă mă mơng Ƀirô Khua pơ ala mơnuih ƀôn sang dêh čar.

VOV4.Jarai - Khua mua, ling tơhan pơgang guai tơring čar Kon Tum glăk pơtrut tui bruă man pơkra phrâo, pơkra ming giăm 200 boh sang dŏ ƀu rup ƀơi 13 boh să guai dêh čar.

VOV4.Jarai-Ƀơi să Ea Drông, plơi prong Buôn Hồ phrâo pok pơphun man pơdong hơdôm boh sang blung a, 1 amăng 4 akŏ bruă ruh pơkra glăi sang dŏ jang jai, sang tơ̆i rơ̆i ƀơi tơring čar Dak Lak.

VOV4.Jarai-Tlam lơ 27/2, amăng tal hơdor glăi 70 thun hrơi nai ia jrao Việt Nam, Jơnum min mơnuih ƀôn sang tơring čar Kon Tum pơphun jao pri nai ia jrao rơgơi ba gru mơng Khua mir sir brơi 12 čô ơi ia jrao.

VOV4.Jarai-Phrâo rơgao, ƀơi anom bruă pơtui jua pơhiăp hăng pơdah rup ling tơhan Hà Nội, hơmâo pơphun amăng mông pơpŭ bơni ƀing ba gru “rơgơi pơtô ba mơnuih ƀôn sang” mơng Ling tơhan ƀơi kual mơnuih djuai ania ƀiă hăng čư̆ siăng. 35 grup hăng 80 čô mơnuih hơmâo pơpŭ bơni yua hơdôm tơlơi gum pơgôp prong amăng bruă pơtô ba mơnuih ƀôn sang, pơgôp hơkrŭ wai pơgang rơnuk rơnua, hơdong hăng pơjing bruă pơhlôm hơđong amăng mơnuih mơnam.