Ƀơi 2 boh să anai amra tuh pơ alin man pơdong 27 ring bruă. Khua git gai Ping gah tơring čar Dak Lak lăi pơtong, anai lĕ bruă jao sit nik, rơkâo man pơkra brơi klă djop, hơmâo apui lơtrik, ia yua, anih dŏ, apur, sang juă glai, gơnam djru; laih dong pơhlôm brơi kjăp, pơhlôm huăi ia dăo, lơm kơthel huăi glưh, hơmâo jơlan đuăi tơbiă ječ, hơmâo măi pơhŭi hlâo tañ hloh, jak iâu pơgôp ngăn rơnoh kiăng tañ ba mă yua.

Rơkâo djop ƀon lan ječ ameč pok pơhai, pơhlôm man pơdong hlâo lơ lơ 30/6 hăng pơgiong hlâo kơ lơ 15/9 thun anai. Tui gơnong bruă man pơdong tơring čar Dak Lak, him lăng tuh pơ alin man pơdong 295 boh sang jơnum plơi pla pơlir hăng anih hơđăp lơ̆m hơjan kơthel ƀơi 34 boh să, phường gah Ngŏ hăng abih tih prăk yua giăm 460 klai prăk.