Tơring čar ba tơbiă hơnong pơkă truh thun 2030 hơmâo ƀiă biă mă ñu 80% mrô sang hră djơ̆ hơnong pơkă dêh čar, abih bang čơđai dưi hrăm ƀơi sang hră bơkơnar pơkŏn, klă hloh. Hơdôm boh ƀon lan đing nao tuh pơ alin pơ hơdôm kual juăt bơdjơ̆ nao yua hơjan kơthel, kual tơlơi bơwih ƀong-mơnuih mơnam tơnap tap hloh hăng hơdôm boh sang hră glăk prap đĭ hơnong pơkă gưl dêh čar.

Hrŏm hăng bruă man pơdong phrâo hơdôm rơbâo anih pơtô hrăm amăng djop gưl mơng sang hră čơđai anet truh pơ gưl tlâo, Gia Lai ăt đing nao nao pơtô hơdôm tơlơi hrăm adôh suang pĕ gông brô̆, kač rup, tơlơi tač rơngiao, komputơr hăng sit biă ñu lĕ anih hrăm STEM, lăp djơ̆ tơlơi rơkâo mơng Jơlan hơdră pơtô hrăm phrâo hăng pơtrut pơplih mrô amăng pơtô hrăm. Kiăng pơhlôm tŭ yua amăng akŏ bruă anai, Jơnum min mơnuih ƀôn sang tơring čar Gia Lai jao bruă tong ten brơi hơdôm gơnong bruă, sang bruă hăng gong gai ƀon lan amăng bruă ĕp lăng anih man pơdong, bruă prap man pơdong, laih dong mă yua pơlir hrŏm prăk mơng jơlan hơdră tui hơnong pơkă dêh čar.