Pơhiăp đĭ ƀơi mông jơnum, Khua git gai pơ ala mơnuih ƀôn sang dêh čar lăi pơtong, kiăng pơđĭ tui boh tŭ yua amăng bruă mă djru tơlơi bruă pơsir kơđi, djru ba tơlơi phiăn, kơnang kơ  hơdră pơtong rơđah tơlơi găl, anŏ klă mơ̆ng bruă pơkă hnơ̆ng tơlơi thâo gưl tơring čar.

Tui hăng khua pơ ala mơnuih ƀôn sang dêh čar, amăng bruă anai, bơbeč djơ̆ nao kơ tơlơi hơdip mơda mơnuih ƀôn sang, bruă mă mơ̆ng mơnuih ƀôn sang anun yơh tơlơi phiăn kiăng pơkă nao, čih pơkra tơpă amăng anun hơdôm tơlơi pơkă khom tơña anŏ kiăng mơ̆ng mơnuih ƀôn sang hăng sang bruă mơdrô kah hăng kiăng pơkă hnơ̆ng tơlơi thâo mă bruă ƀơi gưl tơring čar. Tui hăng khua git gai pơ ala mơnuih ƀôn sang dêh čar, amăng bruă bơbeč djơ̆ kơ tơlơi hơdip mơda mơnuih ƀôn sang, bruă mă mơ̆ng mơnuih ƀôn sang anun yơh tơlơi phiăn anai kiăng pơmin nao lu bơnah, lu glông, kiăng pơgang boh tŭ yua kơ mơnuih tŭ mă tơlơi djru hăng ƀing ngă bruă djru ba hnun mơ̆n. Lăp đing nao, tơlơi phiăn anai, pok pơhư prong mơnuih dưi djru, hơmâo wơ̆t ƀing tơlơi hơdip aka ƀu pơdrong, ƀing ƀun rin, tơnap tap, mơnuih mă bruă arăng bơtơbiă bruă, hơmâo tơlơi bơsua gơnam, ăt kah hăng pok prong anăn čơđai dưi djru sit hơmâo kơđi pơdjơ̆ nao. Laih dơ̆ng, kiăng ngă rơđah bruă apăn mơ̆ng mơnuih pơsir kơđi, prăk djru hăng pơgang tơlơi dưi tŭ mă tơlơi pơhing djru ba, mơnuih nao djru ba tơlơi phiăn kiăng hơmâo boh tŭ yua sit nik.